சியோல்,ஜன.15- அவசர நிலையை அமல்படுத்தியதன் காரணமாக பதவி நீக்கம் செய்யப்பட்ட தென்கொரிய ஜனாதிபதி யூன் சுக் யோல் அந்நாட்டு ஊழல் தடுப்புப் பிரிவு அதிகாரிகளால் கைது செய்யப்பட்டுள்ளார். தன் மீதான குற்றச்சாட்டுக்கு எதிராக இறுதிவரை சட்ட ரீதியாக போராடுவேன் என தெரிவித்திருந்த யூன் சுக் யோல் ஊழல் தடுப்புப் பிரிவு அனுப்பிய சம்மனுக்கு ஆஜராகவில்லை என்பது குறிப்பிடத்தக்கது. அந்நாட்டு நீதிமன்றம் இரண்டு முறை அவருக்கு கைது உத்தரவு பிறப்பித்துள்ளது. முதல் முறை கைது நடவடிக்கையின் போது அவரது தனிப் பாதுகாவலர்கள் தடுத்ததன் காரணமாக அவரை கைது செய்ய முடியாமல் ஊழல் தடுப்புப் பிரிவு அதிகாரிகள் திரும்பிச் சென்றனர். இந்நிலையில் ஜன.15 அன்று அந்நாட்டு ஜனாதிபதி மாளிகைக்கு முன்பாக மூவாயிரத்துக்கும் அதிகமான காவலர்கள், ஊழல் தடுப்பு பிரிவு அதிகாரிகள் குவிக்கப்பட்டு அவர் கைது செய்யப்பட்டார்.
