சென்னை
கொரோனா வைரஸை கட்டுப்படுத்த தமிழகமெங்கும் ஊரடங்கு அமலாகியுள்ள நிலையில், மதுரையில் உள்ளிட்ட நகரங்களில் ஊரடங்கை மீறி இருசக்கர வாகனத்தில் சுற்றியவர்களுக்கு ரூ.100 அபராதம் விதிக்கப்பட்டு உள்ளது. 

ஊரடங்கு உத்தரவு தொடர்பாக தமிழக அரசு வெளியிட்டுள்ள செய்திக்குறிப்பில்,"இந்திய குற்றவியல் சட்டம் 270-வது பிரிவு படி, ஊரடங்கை மீறுபவர்கள் மீது நடவடிக்கை எடுக்கப்படும். அதாவது மனித உயிருக்கு ஆபத்து விளைவிக்கும் வீரியமிக்க வைரஸ் பரவலுக்கு, தெரிந்தே ஒருவர் காரணமாக இருப்பது உறுதி ஆனால் 2 ஆண்டு சிறை தண்டனை மற்றும் அபராதம் அல்லது இரண்டும் சேர்த்து வழங்கப்படும். குறிப்பாக அரசின் உத்தரவை மீறி ஆபத்தான வைரஸ் தொற்று பரவுவதற்கான செயலில் ஈடுபட்டாலோ அல்லது அலட்சியமாக நடந்து கொண்டாலோ, இந்திய குற்றவியல் சட்டம் 269-வது பிரிவின் கீழ் 6 மாதங்கள் சிறை தண்டனை விதிக்கப்படும். மேலும் கொரோனா வைரஸ் அறிகுறியுடன் தனிமை முகாம்களில் தங்க அறிவுறுத்தப்பட்டவர்கள், அரசின் உத்தரவுக்கு கீழ் படியாமல் இருந்தால், இந்திய குற்றவியல் சட்டம் 271-வது பிரிவு படி 6 மாத சிறை தண்டனை மற்றும் அபராதம் அல்லது இரண்டும் சேர்த்து விதிக்கப்படும் என்று அறிவிக்கப்பட்டு உள்ளது என கூறப்பட்டுள்ளது.