பொன்னமராவதி, நவ.12- புதுக்கோட்டை பொன்னமராவதி அருகே உள்ள திருக்களம்பூர் தொடக்க வேளாண்மை கூட்டுறவு சங்கம் சார்பாக நிதி சார் கல்வி விழிப்புணர்வு நிகழ்ச்சி நடைபெற்றது. கூட்டுறவு வங்கி தலைவர் செ.இராசமாணிக்கம் தலைமையேற்றார். கிராம கமிட்டித் தலைவர் இராம.கணேசன், முன்னாள் ஊராட்சி மன்ற தலைவர் வை.பழனிச்சாமி, முன்னாள் கிராம கமிட்டித் தலைவர்கள் கரு.ஆறுமுகம், அழ.ஜீவானந்தம், கூட்டுறவு சங்க துணைத் தலைவர் இரா.மணி கூட்டுறவு சங்க உறுப்பினர் நெ.இராமச்சந்திரன், தவசிசெல்வம் ஆகியோர் முன்னிலை ஏற்றனர். புதுக்கோட்டை மாவட்ட மத்திய கூட்டுறவு வங்கி பொன்னமராவதி கிளை மேலாளர் பாலகிருஷ்ணன், சரக மேற்பார்வையாளர் சிதம்பரம், வலையபட்டி தமிழ்நாடு கிராம வங்கி நிதி சார் கல்வி மைய பொறுப்பாளர் நம்பு சுப்பிரமணியன் ஆகியோர் கருத்துரை வழங்கினர் நிகழ்வில் கூட்டுறவு சங்க செயலாளர் கோ.துரையரசன் வரவேற்றார் வங்கி ஊழியர்கள் செல்வராஜ், பெருமாள், மணி, வசந்தா நிகழ்வுக்கான ஏற்பாடுகளை செய்திருந்தனர் நிகழ்வில் கிராம நிர்வாக குழு உறுப்பினர் த.பாலு, மகளிர் சுய உதவிக்குழுவைச் சார்ந்தவர்கள் மற்றும் பலர் பங்கேற்றனர்.
