திருவள்ளூர், ஏப்.27-திருவள்ளூர் மாவட்டத்தில் தொழிலாளர் தினத்தை முன்னிட்டு மே 1 ஆம் தேதி மதுக்கடைகள் அனைத்தையும் மூட வேண்டும் என ஆட்சியர் மகேஸ்வரி ரவிகுமார் தெரிவித்துள்ளார். இதுகுறித்து அவர் வெளியிட்டுள்ள அறிக்கையில், மே-1 இல் நாடு முழுவதும் தொழிலாளர் தினம் கடைப்பிடிக் கப்பட இருக்கிறது. அதனால், அன்றைய நாளில் தமிழ்நாடு மதுபான உரிமம், அனுமதி விதிகள் 1981 மற்றும் தமிழ்நாடு மதுபான சில்லறை விற்பனை (கடைகள் மற்றும் மதுக்கூடங்கள்) விதிகள் 2003-இன் படி திருவள்ளூர் மாவட்டத்தில் இயங்கும் டாஸ்மாக் கடைகள், மதுபானக் கூடங்கள் அனைத்தையும் மூட வேண்டும். அதேபோல், எப்.எல்-3 மனமகிழ் மன்ற மதுக் கூடங்கள் (கிளப்புகள்), எப்.எல்-3 ஹோட் டல்களில் அமைந்துள்ள மதுக்கூடங்களையும் மே தினத்தன்று கட்டாயம் மூடப்பட வேண்டும். மேலும், விதிமுறையை மீறி அன்றைய நாளில் மதுபானங்கள் கள்ளத்தனமாக விற்பனை செய்தால் காவல் துறை மூலம் கடுமையான நடவடிக்கை எடுக்கப்படும் என அவர் தெரிவித்துள்ளார்.
ஊடக உலகில் உண்மையின் பேரொளி