புதுக்கோட்டை, அக்.22- புதுக்கோட்டை மாவட்டம் கீரமங்கலம் அரசு ஆண்கள் மேல்நிலைப்பள்ளி மாணவர்கள் கைப்பந்து, பூப்பந்து போட்டிகளில் மாநில அளவிலான போட்டிக்குத் தேர்வாகி உள்ளனர். புதுக்கோட்டை மாவட்டத்தில் உள்ள பள்ளிகளுக்கிடை யேயான மண்டல அளவிலான கைப்பந்து மற்றும் பூப்பந்து போட்டிகள் நடைபெற்றது. இதில், கீரமங்கலம் அரசு ஆண்கள் மேல்நிலைப் பள்ளி மாணவர்கள் கைப்பந்து போட்டியில் 19 வயதிற்கு உட்பட்டோர் பிரிவில் வெற்றி பெற்று மாநில அளவில் நடக்க உள்ள போட்டியில் கலந்து கொள்ள தேர்வாகி உள்ளனர். அதே போல பூப்பந்து போட்டியில் 17 வயதிற்கு உட்பட்டோர் மற்றும் 14 வயதிற்கு உட்பட்டோர் பிரிவுகளிலும் கீரமங்கலம் அரசு ஆண்கள் மேல்நிலைப் பள்ளி மாணவர்கள் வெற்றி பெற்று மாநில அளவில் நடக்கும் போட்டிக்கு தேர்வாகி உள்ளனர். அதே போல மாவட்ட அளவில் நடந்த அறிவியல் கண்காட்சியில் கலந்து கொண்ட கீரமங்கலம் அரசு ஆண்கள் மேல்நிலைப் பள்ளி மாணவர்கள் புதுமை கிராமம் என்ற தலைப்பில் உருவாக்கிய அறிவியல் படைப்பு தேர்வு செய்யப்பட்டு மாநில அளவில் நடக்கும் அறிவியல் கண்காட்சிக்கு தேர்வு செய்யப்பட்டுள்ளது. விளையாட்டு மற்றும் அறிவியல் படைப்புகளில் மாவட்ட, மண்டல அளவில் வெற்றி பெற்று மாநில அளவு போட்டிக்கு தேர்வாகி உள்ள மாணவர்களையும், மாண வர்களுக்கு பயிற்சி கொடுத்த ஆசிரியர்களுக்கும் கீரமங்க லம் அரசு மேல்நிலைப் பள்ளி தலைமை ஆசிரியர் மாரி முத்து, உடற்கல்வி இயக்குநர் கணேசன் மற்றும் ஆசிரி யர்கள், பெற்றோர் ஆசிரியர் கழக நிர்வாகிகள் பாராட்டி னார்கள். உடற்கல்வி ஆசிரியர்கள் மதியா, பாண்டியராஜன் உள்ளிட்டோர் கலந்து கொண்டனர்.
