ஆடவர் இளையோர் உலகக்கோப்பை ஹாக்கி இந்தியா (தமிழ்நாடு) 2025
மதுரையில் சாரலுக்கு இடையே இங்கிலாந்து கோல் மழை பெல்ஜியம் அதிர்ச்சி தோல்வி
21 வயதிற்குட்பட்டோருக் கான ஆடவர் இளையோர் உலகக்கோப்பை ஹாக்கி தொடரின், 14ஆவது சீசன் தமிழ்நாட்டின் முக்கிய நகரங்களான சென்னை மற்றும் மதுரையில் நடைபெற்று வருகிறது. இந்நிலையில், 3ஆம் நாளான ஞாயிறன்று நடைபெற்ற 17ஆவது லீக் ஆட்டத்தில் நமீபியா - எகிப்து (குரூப் டி : மதுரை - ரேஸ்கோர்ஸ்) அணிகள் மோதின. தொடக்கம் முதலே பரபரப்பாக நடைபெற்ற இந்த ஆட்டத்தில், நமீபியா 4-2 என்ற கோல் கணக்கில் அபார வெற்றி பெற்றது. நமீபியா முதல்முறையாக உலகக்கோப்பைக்கு தகுதி பெற்று விளையாடி வரும் நிலையில், சீனியர் அணியான எகிப்தை வீழ்த்தி வரலாறை படைத்துள்ளது. ஸ்பெயின் மிரட்டல் தொடர்ந்து மதுரை - ரேஸ்கோர்ஸ் மைதானத்தில் நடைபெற்ற 18ஆவது லீக் ஆட்டத்தில் (குரூப் டி) பலமான பெல்ஜியம் அணியை 2-0 என்ற கோல் கணக்கில் வீழ்த்தி ஸ்பெயின் அணி வெற்றி பெற்றது. 2016ஆம் ஆண்டு இறுதி வரை முன்னேறி இரண்டாம் இடம் பிடித்த பெல்ஜியம் அணி கோலடிக்காமல் தோல்வி கண்டது ஹாக்கி உலகில் கடும் அதிர்ச்சியை ஏற்படுத்தியது. இங்கிலாந்து ஞாயிறன்று காலை முதல் மதுரையில் விட்டு, விட்டு சாரல் பெய்து வந்த சூழலில், ரேஸ்கோர்ஸ் மைதானத்தில் நடைபெற்ற 19ஆவது லீக் ஆட்டத்தில் இங்கிலாந்து - ஆஸ்திரியா (குரூப் இ) அணிகள் மோதின. தொடக்கம் முதல் அதிரடி கோல்களுடன் ஆதிக்கம் செலுத்திய இங்கிலாந்து அணி, 13 - 0 என்ற கோல் கணக்கில் ஆஸ்திரியாவை புரட்டியெடுத்து. சென்னை ராதாகிருஷ்ணன் மைதானத்தில் நடைபெற்ற 20ஆவது லீக் ஆட்டத்தில் ஜப்பான் - சீனா (குரூப் சி) அணிகள் பலப்பரீட்சை நடத்தின. இரு அணி வீரர்களின் அதிரடி ஆட்டத்தால் இந்த ஆட்டம் பரபரப்பாக நடைபெற்றாலும் ஜப்பான் 3-2 என்ற கோல் கணக்கில் சீனாவை வீழ்த்தியது.
ஈஸ்டர்ன் கான்பெரன்ஸ் கோப்பை வரலாறு படைத்தது மெஸ்ஸியின் இன்டர் மியாமி
அமெரிக்காவின் புகழ்பெற்ற கால்பந்து தொடர் களில் ஒன்றான எம்எல்எஸ் (மேஜர்ஸ் லீக் சாக்கர்) - ஈஸ்டர்ன் கான்பெரன்ஸ் கோப்பை இறுதி ஆட்டத்தில் மெஸ்ஸியின் இன்டர் மியாமி - நியூயார்க் சிட்டி அணிகள் பலப்பரீட்சை நடத்தின. இந்திய நேரப்படி ஞாயிறன்று அதிகாலை நடை பெற்ற இந்த ஆட்டத்தில் தொடக்கம் முதலே ஆதிக்கம் செலுத்திய இன்டர் மியாமி 5-1 என்ற கோல் கணக்கில் நியூயார்க் சிட்டி அணியை புரட்டியெடுத்து முதல்முறை யாக ஈஸ்டர்ன் கான்பெரன்ஸ் கோப்பையை கைப்பற்றி வர லாறு படைத்துள்ளது. இந்த ஆட்டத்தில் அர்ஜெண்டினா கேப்டனும், கால்பந்து உலகின் தலைசிறந்த வீரருமான மெஸ்ஸி ஆடினாலும் அவர் கோலடிக்கவில்லை. ஆனால் இன்டர் மியாமியில் விளையாடி வரும் அர்ஜெண்டினா அணியின் இளம் வீரர் டாடியோ அலெண்டே ஹாட்ரிக் கோலடித்து அணியின் வெற்றிக்கு உதவினார்.