புயலால் பாதித்த இலங்கை மக்களுக்கு உதவ தமிழ்நாடு தயார்: முதலமைச்சர்
சென்னை, நவ.30 - டிட்வா புயல் காரணமாக பேரழிவை சந்தித்துள்ள அண்டை நாடான இலங்கை மக்களுக்கு உதவிக் கரம் நீட்டத் தமிழ்நாடு அரசு தயாராக உள்ள தாக முதலமைச்சர் மு.க.ஸ்டாலின் அறிவித்துள்ளார். இதுதொடர்பாக அவர் வெளியிட்ட அறிக்கையில், டிட்வா புயல் காரண மாக நமது அண்டை நாடான இலங்கை பேரழிவைச் சந்தித்துள்ளது. நூற்றுக்கும் மேற்பட்டோர் இறந்தும், பல இடங்கள் கடும் பாதிப்புக்கு உள்ளா கியும் இலங்கை மக்கள் அவதியுறு கின்றனர். இந்த இயற்கைச் சீற்றத்தில் இறந்தவர்களுக்கு ஆழ்ந்த இரங் கலைத் தெரிவித்துக் கொள்வதோடு, இலங்கை மக்களின் இப்பெருந்துயரில் தமிழ்நாடும் தமிழ்நாட்டு மக்களும் பங்கெடுப்பதாக கூறியுள்ளார். இலங்கையில் சிக்கித் தவிக்கும் தமிழ்நாட்டைச் சேர்ந்த பயணிகளை மீட்க அயலகத் தமிழர் நலன் மற்றும் மறுவாழ்வுத் துறை சார்பில் நடவடிக்கைகள் மேற்கொள்ளப்பட்டு உள்ளன. ஞாயிறன்று காலை 11.05 மணி யளவில் முதற்கட்டமாக 177 பேர் தமிழ் நாட்டிற்குத் திரும்ப அழைத்து வரப் பட்டுள்ளதாகத் தெரிவித்துள்ளார். இவர்களில் ஆண்கள் 113 பேர், பெண்கள் 60 பேர், குழந்தைகள் 4 பேர் உள்ளனர். டிட்வா புயல் காரணமாகப் பாதிக்கப் பட்டுள்ள இலங்கை மக்களுக்கு ஒன்றிய அரசின் மூலம் உணவுப் பொருட்கள், மருந்துப் பொருட்கள் உள்ளிட்ட வற்றைத் தந்து, அவர்கள் மீண்டெழுந்திட உதவிக்கரம் நீட்டிடத் தமிழ்நாடு அரசு தயாராக இருப்பதாக முதலமைச்சர் தெரிவித்துள்ளார். இதற்காக ஒன்றிய அரசுடன் இணைந்து செயல்பட அதிகாரிகள் குழுவை அமைத்திட தலைமைச் செய லாளருக்கு அறிவுறுத்தி உள்ளதாகவும் கூறியுள்ளார்.