தாயுமானவன்!
மகளை மார்போடு அணைத்துக்கொண்டு ரிக்ஷா இழுக்கும் தந்தை பற்றிய இதயம் உருகச் செய்யும் கதை இது. ராஜஸ்தானைச் சேர்ந்த 38 வயதான ரிக்ஷா இழுக்கும் தொழிலாளி பப்லு ஜாதவ், யாரையும் கண்கலங்கச் செய்யும் மனிதர். பிரசவத்தின் போது, அவர் தனது மனைவியை இழந்தார். ஆனால் மனம் தளராமல், தனக்கு கிடைத்த அந்த சிறுமகளை தனியாகவே வளர்த்து வருகிறார் இந்த தந்தை. அவரது மனைவி ஷாந்தி, குழந்தையைப் பெற்றெடுத்த பிறகு அதிக நேரம் ஆகாமல் உயிரிழந்தார். குடும்ப ஆதரவு எதுவும் இல்லாமல், ஒரு மாதமே ஆன தனது மகளைக் ஒவ்வொரு நாளும் தன் வேலை இடத்திற்கே கூட்டிச் செல்கிறார் பப்லு. பரபரப்பான தெருக்களில் ரிக்ஷா இழுக்கும் போது, அவளை கழுத்தில் கட்டிய துணித் தொட்டிலில் பாதுகாப்பாகத் தாங்கிக்கொண்டு செல்கிறார். அவரது போராட்டமும், ஒரு தந்தையின் அளவில்லா அன்பும் பலரின் இதயங்களைத் தொட்டது. அவரின் நிலையை அறிந்த ஒரு உள்ளூர் தொண்டு நிறுவனம் முன்வந்து, குழந்தை பராமரிப்பு வசதியை ஏற்பாடு செய்தது. இதனால், மகள் பாதுகாப்பாக பராமரிக்கப்படுவதுடன், பப்லு நிம்மதியாக வேலை செய்யவும் முடிகிறது. பப்லுவின் கதை, ஒரு தந்தையின் அன்பின் வலிமையையும் கருணையின் மகத்துவத்தையும் உறுதியாக நிரூபிக்கிறது