கோபி, ஜூன் 16- கோபி அருகே ஞாயிறன்று இருசக்கரவாகனங்கள் ஒன்றுடன் ஒன்று மோதிய சாலை விபத்தில் இருவர் சம்பவ இடத்திலேயே உயிரிழந்தனர். ஈரோடு மாவட்டம், கோபிசெட்டிபாளையம் அருகே தொட்டிபாளையம் பிரிவில் அத்தாணியிலிருந்து வந்த இருசக்கர வாகனமும், கோபியிலிருந்து சென்ற இருசக்கர வாகனமும் நேருக்கு நேர் மோதி விபத்துக்குள்ளானது. இதில் வாகனங்களை ஓட்டி வந்த அத்தாணி பகுதியைச் சேர்ந்த முருகன் என்பவரும், பெரிய கொடிவேரியைச் சேர்ந்த குமாரசாமி என்பவரும் சம்பவ இடத்திலேயே உயிரிழந்தனர். குமாரசாமியுடன் வந்த பரணிதரன் (17) காயங்களுடன் உயிர் தப்பினார். இதற்கிடையே கோபியிலிருந்து கணபதிபாளையம் நோக்கிச் சென்ற கணபதிபாளையம் பகுதியைச் சேர்ந்த சுப்பிரமணியத்தின் இருசக்கர வாகனம் கட்டுப்பாட்டை இழந்து விபத்துக்குள்ளான வாகனங்களின் மீது மோதி யது. அதில் சுப்பரமணி, அவரது மகள் மங்கையகரசி ம றும் அவரது பேரன்களும் படுகாயமடைந்தனர். இவ்வாறு அடுத்தடுத்து நடந்த விபத்துகள் குறித்து தகவலறிந்து வந்த கோபி காவல் துறையினர் காயமடைந்தவர்களை மீட்டு சிகிச்சைக்காக கோபி அரசு மருத்துவமனைக்கு அனுப்பி வைத்தனர். உயிரிழந்தவர்களின் உடல்களை மீட்டு பிரேதபரிசோதனைக்காக மருத்துவமனைக்கு அனுப்பி வைத்தனர். மேலும் விபத்து குறித்து வழக்குப் பதிவு செய்து விசாரணை மேற்கொண்டு வருகின்றனர். இந்நிலையில் இருவரும் தலைக்கவசம் அணியாமல் சென்றதால்தான் தலையில் அடிப்பட்டு உயிரிழந்துள்ள னர் என்று பொதுமக்கள் வருத்தம் தெரிவித்துள்ளனர்.
