உடுமலை, ஆக. 27- உடுமலைப்பேட்டை அரசு கலைக்கல்லூரி பேராசிரி யர் தாக்கப்பட்டதைக் கண்டித்து கல்லூரி நுழைவு வாயில் முன் திங்களன்று ஆர்ப்பாட்டம் நடைபெற்றது. திருப்பூர் மாவட்டம், உடுமலைப்பேட்டை அரசு கலைக்கல்லூரியில் சுற்றலாவியல் துறை உதவிப்பேராசி ரியர் முனைவர் சி.சாந்திமேரி கடந்த வியாழனன்று இரவு சௌதாமலர் லேஅவுட் பகுதியில் மர்ம நபர்களால் தாக்கப்பட்டார். உயிருக்கு ஆபத்து விளைவிக்கும் வகை யில் நடைபெற்ற கோழைத்தனமான தாக்குதலைநடத்திய வர்களைக் உடனடியாகக் கண்டறிந்து உரிய தண்டனை பெற்றுத்தர நடவடிக்கை எடுக்க வேண்டும் என வலியுறுத்தி கல்லூரி நுழைவாயில் முன்பு முனைவர் இரா.இளங்கோ தலைமையில் கண்டன ஆர்ப்பாட்டம் நடைபெற்றது. கோவை மண்டலத் தலைவர் முனைவர் மு.மதியழகன் முன்னிலை வகித்தார். சாந்திமேரி தாக்கப்பட்டதைக் கண்டித்து செயலர் முனைவர் வ.கிருஷ்ணன் கண்டன உரையாற்றினார். பொருளாளர் முனைவர் ந.வேலுமணி நன்றி கூறினார்.
