மதச்சார்பற்ற முற்போக்கு கூட்டணியின் வடசென்னை மக்களவைத் தொகுதி திமுக வேட்பாளர் டாக்டர் வீ.கலாநிதி ஆர்கே.நகர் புதுவண்ணை பகுதியில் வீடுவீடாக சென்று வாக்கு சேகரித்தார். கூட்டணி கட்சித் தலைவர்கள் உடனிருந்தனர்.
பெரம்பூர் தொகுதி சட்டமன்ற இடைத்தேர்தலில் போட்டியிடும் திமுக வேட்பாளர் ஆர்.டி.சேகர் 45வது வட்டம் பிவி காலனி, சத்தியாநகர், சஞ்சைநகர், கக்கன்ஜிகாலனி உள்ளிட்ட பகுதிகளில் வாக்கு சேகரிப்பில் ஈடுபட்டார். மதிமுக மாவட்டச் செயலாளர் ஜீவன், சிபிஎம் பகுதிச் செயலாளர் விஜயகுமார், முன்னாள் சட்டமன்ற உறுப்பினர் எஸ்.கே.மகேந்திரன், ஜெயராமன், மாரிமுத்து (திமுக), கல்தூண்ரவி, சிவா (விசிக), முரளிதரன், வெற்றிராஜன், புவனேஷ்வரன், ரவி, மனோகரன் ஆகியோர் பங்கேற்றனர்.
மதச்சார்பற்ற முற்போக்கு கூட்டணியின் வட சென்னை மக்களவைத் தொகுதி திமுக வேட்பாளர் டாக்டர்.கலாநிதிவீராசாமி, பெரம்பூர் தொகுதி சட்டமன்ற இடைத்தேர்தல் வேட்பாளர் ஆர்.டி.சேகர், ஆகியோரை ஆதரித்து பெரம்பூர் தொகுதி முழுவதும் மார்க்சிஸ்ட் கம்யூனிஸ்ட் கட்சியின் பகுதிச் செயலாளர் விஜயகுமார் தலைமையில் கட்சி ஊழியர்கள் உதயசூரியன் சின்னத்திற்கு வாக்கு சேகரித்தனர். இதில் முரளிதரன், ராஜ்குமார், எஸ்.ஏ.வெற்றிராஜன் , கிருஷ்ணன், புவனேஷ்வரன், வேலன், ரவி, மனோகரன் உள்ளிட்ட பலர் பங்கேற்றனர்.
திமுக தலைமையிலான மதச்சார்பற்ற முற்போக்கு கூட்டணி சார்பில் திருப்பெரும்புதூர் தொகுதியில் போட்டியிடும் திமுக வேட்பாளர் டி.ஆர்.பாலுவுக்கு உதயசூரியன் சின்னத்தில் வாக்கு கேட்டு மார்க்சிஸ்ட் கம்யூனிஸ்ட் கட்சியினர் அம்பத்தூர் தொகுதிக்குட்பட்ட 86ஆவது வட்டம் அத்திப்பட்டு பகுதியில் வீடு வீடாகச் சென்று வாக்கு சேகரித்தனர். இதில் சிஐடியு பகுதி தலைவர் பி.என்.உண்ணி, சின்னப்பன், ஆனந்தன், திமுக நிர்வாகி எபிநேசர் உள்ளிட்ட பலர் கலந்து கொண்டனர்.