தூத்துக்குடி கிளை தெற்கு ரயில்வே மஸ்தூர் யூனியன் சார்பில் , தூத்துக்குடி ரயில் நிலையம் முன்பு நேற்று ஆர்ப்பாட்டம் நடந்தது. ஆர்ப்பாட்டத்துக்குக் கிளைத் தலைவர் பெருமாள் தலைமை தாங்கினார். ஒருங்கிணைப்பாளர் காந்தி சேகர் மற்றும் கிளை செயலாளர் வேல்முருகன் ஆகியோர் முன்னிலை வகித்தனர்.
பொதுமக்களுக்குப் பயன்பாட்டில் இருக்கும் இந்திய ரயில்வேயை தனியார்மயமாக்கத் திட்டமிட்டிருக்கும் ஒன்றிய அரசைக் கண்டித்தும் , அகில இந்திய ரயில்வே ஊழியர் கூட்டமைப்பு செயலாளர் மிஸ்ராவின் தொலைப்பேசியை ஒட்டுக்கேட்டதைக் கண்டித்தும் , ராணுவத் தளவாடங்களைத் தயாரிக்கும் ஒன்றிய அரசு நிறுவனங்களைத் தனியாருக்கு வழங்குவதைக் கண்டித்தும் இந்த போராட்டத்தை மேற்கொள்வதாய் போராட்டத்தில் ஈடுபட்டிருந்த ரயில்வே ஊழியர்கள் கூறினர்.