தமிழ்நாட்டில் உள்ள 5 மாவட்டங்களுக்கு இன்று மிக கனமழைக்கான எச்சரிக்கை விடுக்கப்பட்டுள்ளதாக வானிலை ஆய்வு மையம் தெரிவித்துள்ளது.
இதுதொடர்பாக வானிலை ஆய்வுமையம் வெளியிட்ட தகவலில்,
தமிழ்நாட்டில் ஒருசில இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும். நாகப்பட்டினம், தூத்துக்குடி, ராமநாதபுரம், திருநெல்வேலி, கன்னியாகுமரி மாவட்டங்களில் மற்றும் காரைக்கால் பகுதிகளில் மிக கனமழையும்,
தஞ்சாவூர், திருவாரூர், மயிலாடுதுறை, புதுக்கோட்டை, தென்காசி, விருதுநகர், சிவகங்கை ஆகிய 7 மாவட்டங்களில் கனமழையும் பெய்ய வாய்ப்புள்ளது.நவ.22 முதல் 24ஆம் தேதி வரை தமிழ்நாட்டிம் பெரும்பாலான இடங்களில் மிதமான மழை பெய்யக்கூடும் என தெரிவிக்கப்பட்டுள்ளது
.