சென்னை
தமிழகம் முழுவதும் தனது பரவல் வேகத்தை அதிகரித்துள்ள கொரோனா வைரஸ் மக்கள் நெருக்கம் இல்லாத கிராமத்தை கூட விட்டு வைக்கவில்லை. அங்கும் வேகமாக பரவி வருகிறது. குறிப்பாக தென் மாவட்டங்களில் கொரோனா பரவல் வேகம் நாளுக்குநாள் அதிகரித்து வருகிறது.
இந்நிலையில், தமிழகதில் கடந்த 24 மணிநேரத்தில் 5,684 பேருக்கு தொற்று ஏற்பட்டுள்ளது. இதன்மூலம் மொத்த பாதிப்பு 2,79,144 ஆக உயர்ந்துள்ளது. மேலும் இன்று (வியாழன்) நாளில் 110 பேர் பலியாகியுள்ள நிலையில், மொத்த உயிரிழப்பு எண்ணிக்கை 4,571 ஆக அதிகரித்துள்ளது. 6,272 பேர் சிகிச்சை முடிந்து வீடு திரும்பிய நிலையில், குணமடைந்தவர்களின் மொத்த எண்ணிக்கை 2,21,087 ஆக உயர்ந்துள்ளது. இன்னும் 53,486 சிகிச்சையில் உள்ளனர். இன்றைய கொரோனா பாதிப்பில் 42 பேர் மாநிலத்தின் வெளிப்பகுதியில் உள்ளவர்கள் வந்தவர்கள் என்பது குறிப்பிடத்தக்கது.