சென்னையில் கனமழை எச்சரிக்கை விடுக்கப்பட்டுள்ள நிலையில், இன்று நடைபெற இருந்த தேர்வுகள் ஒத்திவைக்கப்பட்டுள்ளதாக சென்னை பல்கலைக்கழகம் அறிவித்துள்ளது.
தென்மேற்கு வங்கக்கடலில் நிலவி வரும் ஆழ்ந்த காற்றழுத்த தாழ்வு மண்டலம், இன்று மாலை 5.30 மணிக்கு ஃபெங்கல் புயலாக மாற வாய்ப்புள்ளதாக வானிலை ஆய்வு மையம் தகவல் தெரிவித்துள்ளது. இதற்கிடையில் சென்னையில் நேற்று காலை முதல் கனமழை பெய்து வருகின்றது. இந்த சூழலில், இன்று நடைபெற இருந்த தேர்வுகள் ஒத்திவைக்கப்பட்டுள்ளதாக சென்னை பல்கலைக்கழகம் அறிவித்துள்ளது.
தேர்வு தேதி பின்னர் அறிவிக்கப்படும் என்று பல்கலைக்கழக நிர்வாகம் தெரிவித்துள்ளது.
இதை தொடர்ந்து, இன்று நடைபெற இருந்த டிப்ளமோ தேர்வுகள் அனைத்தும் மழை காரணமாக ஒத்திவைக்கப்பட்டுள்ளதாக தொழில்நுட்பக் கல்வி இயக்ககம் அறிவித்துள்ளது.
