சென்னையை அடுத்த மாங்காட்டில் வீட்டின் முன்பு நின்றிருந்த 11 வயது சிறுவனை,ராட்வீலர் நாய் கடித்து குதறியதால் பரபரப்பு ஏற்பட்டுள்ளது.
சென்னையை அடுத்த மாங்காடு, கொழுமணிவாக்கம் சார்லஸ் நகரில், நாயின் உரிமையாளர், நாயை நடைபயிற்சிக்கு அழைத்துச் சென்றுள்ளார். அப்போது வீட்டின் முன்பு நின்று கொண்டிருந்த 11 வயது சிறுவன் துஜேஷை ராட்வீலர் ராய் கடித்துக் குதறியுள்ளது.
நாய் கடித்து காயமடைந்த சிறுவன் துஜேஷ் மருத்துவமனையில் சிகிச்சைக்காக அனுமதிக்கப்பட்டுள்ளார். காயமடைந்த சிறுவனின் பெற்றோர் நாய் உரிமையாளர்கள் நீலா மற்றும் கார்த்திக் மீது மாங்காடு காவல் நிலையத்தில் புகார் அளித்துள்ளனர். இந்தச் சம்பவம் அப்பகுதியில் அதிர்ச்சியை ஏற்படுத்தியுள்ளது.