சீனாவின் முக்கிய நகரான சாங்ஜோ நகரில் விக்டர் ஓபன் பேட்மிண்டன் சாம்பியன் ஷிப் தொடர் நடைபெற்று வருகிறது.
ஆடவர் ஒற்றையர்
ஆடவர் ஒற்றையர் முதல் சுற்று ஆட்டத்தில் இந்திய வீரர் சாய் பிரணீத் தாய்லாந்து வீரர் சுபான்யுவை 21-19, 21-23, 21-14 என்ற செட் கணக்கில் வீழ்த்தி 2-வது சுற்றுக்கு முன்னேறினார்.
மகளிர் ஒற்றையர்
மகளிர் ஒற்றையர் பிரிவு முதல் சுற்று ஆட்டத்தில் இந்தியாவின் பி.வி.சிந்து சீனாவின் லி ரு்யை 21-18, 21-12 என்ற செட் கணக்கில் புரட்டியெடுத்து 2-வது சுற்றுக்கு முன்னேறினார். மற்றொரு முதல் சுற்று ஆட்டத்தில் இந்திய நட்சத்திரம் சாய்னா நேவால், தாய்லாந்தின் புசானனிடம் 10-21, 17-21 என்ற செட் கணக்கில் வீழ்ந்து தொடரிலிருந்து வெளியேறினார்.
ஆடவர் இரட்டையர்
ஆடவர் இரட்டையர் பிரிவு முதல் சுற்று ஆட்டத்தில் இந்தியாவின் ராங்கி - சிராக் ஜோடி, கனடாவின் ஜேசன் - யாக்குரா ஜோடியை 21-7, 21-18 என்ற செட் கணக்கில் பந்தாடி 2-வது சுற்றுக்கு முன்னேறியது.
கலப்பு இரட்டையர்
கலப்பு இரட்டையர் பிரிவில் இந்தியாவின் ராங்கி - அஸ்வினி ஜோடி இந்தோனேசியாவின் பிரவீன் - மேலாட்டி ஜோடியை 22-20, 17-21, 21-17 என்ற செட் கணக்கில் வீழ்த்தி 2-வது சுற்றுக்கு முன்னேறியது. இதே பிரிவில் இந்தியாவின் பிரணவ் - சிக்கி ரெட்டி ஜோடி ஜெர்மனியின் மார்க் - இசாபெல் ஜோடியிடம் 12-21, 21-23 என்ற செட் கணக்கில் வீழ்ந்து தொடரிலிருந்து வெளியேறியது.