புதுச்சேரி மத்திய பல்கலைக்கழகத்தில் வரும் 2020-21 ஆம் கல்வியாண்டில் மாணவர்கள் சேர்க்கைக்கு வரும் செப்டம்பர் 3-ம் வாரத்தில் நுழைவுத் தேர்வு நடைபெற உள்ளது.
இது தொடர்பாக பல்கலைக்கழகம் இன்று வெளியிட்ட செய்திக்குறிப்பில், ''புதுவை பல்கலைக்கழகம், 2020-2021 ஆம் கல்வியாண்டிற்கான பல்வேறு பட்ட மேற்படிப்பு / ஆராய்ச்சித் துறைக்கான மாணவர் சேர்க்கைக்கு விண்ணப்பிப்பதற்கான கடைசித் தேதி ஆகஸ்ட் 17 வரை நீட்டிக்கப்பட்டுள்ளது. நுழைவுத் தேர்வு செப்டம்பர் மூன்றாம் வாரத்தில் நடைபெறும்'' என்று தெரிவிக்கப்பட்டுள்ளது.
பல்கலைக்கழத்தில் உள்ள படிப்புகள் மற்றும் விண்ணப்பிக்கும் முறை, இட ஒதுக்கீடு, தேர்வு முறை, தேர்வு மையங்கள் உள்ளிட்ட அனைத்து விவரங்களையும் : www.pondiuni.edu.in என்ற பல்கலைக்கழக இணைய தளத்தில் பார்க்கலாம்
