மிசோரம் சட்டப்பேரவை தேர்தலில் மொத்தமுள்ள 40 இடங்களில் 27 இடங்கள் வெற்றி பெற்று பெரும்பான்மையில் சோரம் மக்கள் இயக்கம் ஆட்சியை கைப்பற்றியது.
மிசோரம் மாநிலத்தில் 40 சட்டப்பேரவை தொகுதிகளுக்கான தேர்தல் ஒரே கட்டமாக கடந்த நவம்பர் 7-ஆம் தேதி நடந்தது. இத்தேர்தலில் 80.43 சதவீத வாக்குகள் பதிவாகி இருந்தன. இதைத் தொடர்ந்து, இன்று காலை 8 மணிக்கு வாக்கு எண்ணிக்கை தொடங்கப்பட்டது. வாக்கு எண்ணிக்கையில் தொடர்ந்து முன்னிலை வகித்த சோரம் மக்கள் இயக்கம், மொத்தமுள்ள 40 இடங்களில் 27 இடங்கள் வெற்றி பெற்று பெரும்பான்மையில் ஆட்சியை கைப்பற்றியது.
முன்னதாக ஆட்சியிலிருந்த மிசோ தேசிய முன்னணி 9 இடங்களில் மட்டுமே வெற்றி பெற்றுள்ளது. அதேபோல், பாஜக 2 இடங்களிலும், காங்கிரஸ் ஒரு இடத்திலும் வெற்றி பெற்றுள்ளது.
