சென்னை, நவ. 21- அரசு கேபிள் டிவி பிரச்சனைக்கு தற்காலிக தீர்வு காணப்பட்டுள்ளதாகவும், பொதுமக்கள் உதவிக்கு துணை மேலாளர்களை தொடர்பு கொள்ளலாம் என்றும் தமிழக அரசு அறிவித்துள்ளது. இதுகுறித்து தமிழக அரசு வெளியிட்டுள்ள செய்திக் குறிப்பில், தமிழ்நாடு அரசு கேபிள் டிவி நிறுவனத்தின் சேவை மென்பொருளை, பராமரித்து வரும் தனியார் நிறுவனத்தால் சட்ட விரோதமாக செயலிழப்பு செய்யப்பட்டதன் காரணமாக கடந்த இரண்டு நாட்களாக பாதிப்பு ஏற்பட்டுள்ளது. கேபிள் டிவி செட்டாப் பாக்ஸ்களின் கட்டுப்பாட்டு மென்பொருளை அத்துமீறி இணைய வழியில் நுழைந்து செயலி ழப்பு செய்த நிறுவனத்தின் மீது குற்ற வழக்கு பதிந்து நடவடிக்கை எடுக்கப்பட்டு வருகிறது. இந்நிலையில், தகவல் தொழில்நுட்பத் துறையின் தொழில்நுட்ப குழுவின் உதவியுடன் பாதிக்கும் மேற்பட்ட செட்டாப் பாக்ஸ்கள் தற்பொழுது சீரமைக்கப்பட்டுள்ளன. மேலும், கேபிள் ஆபரேட்டர்கள் நேரடியாக செட்டாப் பாக்ஸ்களில் சில மாற்றங்களை செய்து அதை இயக்கும் தற்காலிக தீர்வு குறித்தும் விளக்கப்பட்டு, அம்முறையிலும் இச்சிக்க லுக்குத் தற்காலிக தீர்வு காணப்பட்டுள்ளது.
தற்போது, மென்பொருள்களை வழங்கிய முதன்மை நிறுவனத்துடன் அதை நேரடியாக பெறுவதற்கு பேச்சுவார்த்தை நடத்தப்பட்டு வரு கிறது. விரைவில் இந்த தொழில்நுட்ப பிரச்சனை கள் சரி செய்யப்பட்டு சேவைகளை வழங்க அரசு கேபிள் டிவி நிறுவனம் முழுமூச்சுடன் செயல்பட்டு வருகிறது. இதுவரை அரசு கேபிள் டிவி நிறுவனத் திற்கு ஒத்துழைப்பு வழங்கிய கேபிள் ஆப ரேட்டர்கள் பொதுமக்கள் மற்றும் வாடிக்கை யாளர்களுக்கு எங்கள் நன்றியை தெரிவித் துக் கொள்கிறோம். இந்த தற்காலிக பிரச்ச னையை சீரமைக்கும் வரை ஒத்துழைப்பு நல்க வேண்டுமென கேட்டுக்கொள்கிறோம். கேபிள் டிவி ஆப்பரேட்டர்கள் மற்றும் வாடிக்கையா ளர்கள் தொழில் நுட்ப உதவிக்கு கீழ்க்கண்ட எண்களை தொடர்பு கொள்ளவும் கேட்டுக் கொள்கிறோம் என்று தெரிவிக்கப்பட்டுள்ளது. அதன் விவரம்: காஞ்சிபுரம், கன்னியாகுமரி, ராமநாத புரம், தேனி, தூத்துக்குடி, திருநெல்வேலி, திரு வள்ளூர், விருதுநகர் மாரிமுத்து 9498017289, கோயம்பத்தூர், திண்டுக்கல், ஈரோடு, கரூர், மதுரை, நீலகிரி, திருப்பூர் சுரேஷ் 9498017212, தருமபுரி, கிருஷ்ணகிரி, நாகப்பட்டினம், நாமக் கல், சேலம், தஞ்சாவூர், திருச்சி, திருவாரூர் கவுதம் ராஜ் 9498002607, அரியலூர், கடலூர், பெரம்பலூர், புதுகோட்டை, சிவகங்கை, திரு வண்ணாமலை, வேலூர், விழுப்புரம் மும்தாஜ் பேகம் 9498017287, சென்னை அருள் பிரகாஷ் 9498017283.