எஸ்ஐஆர் குறித்து விவாதம் தேவை அனைத்துக் கட்சி கூட்டத்தில் எதிர்க்கட்சிகள் வலியுறுத்தல்
நாடாளுமன்ற குளிர்கால கூட்டத்தொடர் டிசம்பர் 1ஆம் தேதி தொடங்கி டிசம்பர் 19ஆம் தேதி வரை நடைபெற உள்ளது. இந்த கூட்டத்தொடரை முன்னிட்டு ஞாயிறன்று தில்லியில் உள்ள நாடாளுமன்ற வளா கத்தில் அனைத்துக் கட்சி ஆலோசனை கூட்டம் நடைபெற்றது. ஒன்றிய அரசு தரப்பிலிருந்து அமைச் சர்கள் ராஜ்நாத் சிங், ஜே.பி. நட்டா, கிரண் ரிஜிஜூ, எல்.முருகன், அர்ஜுன் ராம் மேக்வால் ஆகியோர் பங்கேற்றனர். அதே போல காங்கிரஸ், இடதுசாரிகள், திமுக உள்ளிட்ட 36 அரசியல் கட்சிகளைச் சேர்ந்த 50 தலைவர்கள் பங்கேற்றனர். இந்த கூட்டத்தில் வாக்காளர் பட்டி யல் சிறப்பு தீவிர திருத்தம் (எஸ்ஐஆர்) பற்றிய விவாதம் தேவை என்று அனை த்து எதிர்க்கட்சிளும் வலியுறுத்தின. மேலும், அண்மையில் தில்லியில் நிக ழ்ந்த கார் குண்டுவெடிப்பைச் சுட்டிக் காட்டி தேசிய பாதுகாப்பு, எதிர்க்கட்சி கள் ஆளும் மாநிலங்களுக்கு நிதி மறுக்கப்படுவது உள்ளிட்ட விவகா ரங்களும் விவாதிக்க வேண்டும் என எதிர்க்கட்சிகள் வலியுறுத்தின. எதிர்கக்ட்சிகள் குறிப்பிட்ட விவ காரங்கள் பற்றி விவாதம் குளிர்கால கூட்டத்தொடரின்போது நடத்தப்படுமா என்பதற்கு அரசு தரப்பிலிருந்து உத்த ரவாதம் அளிக்கப்படவில்லை. ஆனால் நாடாளுமன்ற விவகாரத்துறை அமைச்சர் கிரண் ரிஜிஜு, ”குளிர்கால கூட்டத்தொடர் முடக்கமின்றி நடைபெற வேண்டும் என்பதே எங்களது நோக்கம்” என்று அவர் தெரிவித்தார்.