கேரள அமைச்சர் வி.சிவன் குட்டி
ஆசிரியர் தகுதித் தேர்வு தொடர்பான உச்சநீதிமன்றத்தின் உத்தரவில் மாநில அரசின் நிலைப்பாட்டிற்கு மாறான அம்சங்கள் உள்ளன. அதனால் இந்த விவகாரம் தொடர்பாக கேரள அரசு உச்சநீதிமன்றத்தில் சீராய்வு மனுவைத் தாக்கல் செய்யும்.
காங்கிரஸ் பொதுச் செயலாளர் பூபேஷ் பாகேல்
நாட்டில் எதிர்க்கட்சித் தலைவர்களின் பெயரைக் கெடுப்பதற்காக போலி குற்றச்சாட்டு மூலம் அமலாக்கத் துறை உள்ளிட்ட மத்திய அமைப்புகளை பாஜக தவறாக பயன்படுத்துகிறது. தற்போது போலி குற்றச்சாட்டில் அமலாக்கத்துறையால் கைது செய்யப்பட்ட எனது மகன் (சைதன்யா) விடுவிக்கப்பட்டுள்ளார். பாஜகவின் அரசியல் அவ்வளவு தான்.
சிவசேனா (உத்தவ்) எம்.பி., பிரியங்கா சதுர்வேதி
டுவிட்டர் எக்ஸ் தளத்தில் உள்ள ‘க்ரோக்’ என்ற ஏஐ பெண்களை ஆபாசமாக சித்தரிக்கிறது. மேலும் தவறான படங்களை உருவாக்க ‘க்ரோக் ஏஐ’ பயன்படுத்தப்பட்டு வருகிறது. இது பெண்களின் கண்ணியம், உரிமைகளை மீறும் செயலாகும். இந்த தீவிர குற்றச்செயலுக்கு கடுமையான நடவடிக்கை எடுக்கப்பட வேண்டும்.
ஆர்ஜேடி கட்சி (சமூக ஊடகப் பிரிவு)
வங்கதேச வீரரை ஐபிஎல் தொடருக்காக ஏலத்தில் எடுத்ததற்காக கொல்கத்தா அணியின் உரிமையாளரான நடிகர் ஷாருக் கானின் நாக்கை துண்டித்து கொண்டு வருவோருக்கு ரூ. 1 லட்சம் பரிசு வழங்கப்படும் என இந்து மகாசபையின் நிர்வாகி மீரா ராத்தோர் கூறியுள்ளார். இது தீவிர வெறுப்புப் பேச்சு.