மதுரைக்கு பெருமை சேர்ந்த மாணவன் அகிலேஷ்க்கு  சு.வெங்கடேசன் எம்பி வாழ்த்து தெரிவித்துள்ளார். இதுகுறித்து அவர் வெளியிட்டுள்ள செய்தி குறிப்பில்,

மதுரை விகாசா பள்ளியில் 7 ஆம் வகுப்பு படிக்கிறார்.  2021 ல் போலந்தில் நடைபெற்ற International Warsaw invention show ல் பங்கேற்று தனது Hydrogen fuel cell For motorized vehicle கண்டுபிடிப்பிற்காக தங்கப்பதக்கத்தையும் , 2 சிறப்பு விருதுகளையும் வென்று மகத்தான சாதனை படைத்துள்ளார். ருமேனியாவின் சிறப்பு விருது ஒன்றினையும் வென்று தந்திருக்கிறார் நாட்டிற்கு. மேலும் இந்தியன் புக் ஆப் ரெக்கார்ட்ஸ் ல் வெறும் 25 நொடிகளில் 51 சர்வதேச ராக்கெட்டுகளின் பெயரினை கூறி சாதனை படைத்துள்ளார். அது தற்போது இன்டர்நேஷனல் புக் ரெக்கார்ட்ஸ்க்கும் தேர்வாகியுள்ளது.

மேலும் தனியாக செயற்கைக்கோள் ஒன்றினையும் செய்து அதனை வெற்றிகரமாக முடித்திருக்கிறார். அது நிச்சயம் அவனது கனவுகளை விண்ணில் ஏற்றிச் செல்லும். நான்காம் வகுப்பில் இருந்து தான் கொண்ட விண்வெளி அறிவின் காரணமாக மிகச்சிறு வயதில் வரலாறுகளை நிகழ்த்திக் கொண்டிருக்கிறான். மதுரையின் அறிவுக்குழந்தைக்கு எல்லா வகையிலும் உடன் நிற்பேன் எனக்கூறி ஊக்கப்படுத்தினேன். விண்வெளி சார்ந்த அவனது அறிவு மேலும் விரிந்து பரவட்டும்.

12 வயதில் அவனுடைய அறிவையும் தேடலையும் புரிந்து கொண்டு அதற்கான ஊக்கத்தை அளித்து வரும் மதுரை SS காலனியைச் சார்ந்த அவனது பெற்றோர்கள் சந்திரசேகரன் .தங்கமணி இருவருக்கும் எனது அன்பு வாழ்த்துகள்.

வளர்ந்து மண்ணின் பெருமையை விண்ணில் உயர்த்து என தெரிவித்துள்ளார்.