விளம்பரம் பெரும் விளம்பரம்
பொய் பரப்ப ஒரு விளம்பரம்
விளம்பரம் நாளும் விளம்பரம்
கோடிக்கணக்கில் விளம்பரம்
மோடி அரசின் வியாபாரம்! - வெறும்
திட்ட அறிவிப்பால் மாய்மாலம் !
(விளம்பரம் ...)
அனுபல்லவி
கார்ப்பரேட்டின் மூலதனம்
கவர்மென்ட் அமைக்க நரித்தந்திரம் -தன்
கவர்மென்ட் அமைக்க நரித்தந்திரம்
(விளம்பரம்...)
சரணம்-1
பலப்பல இந்தியா பிறந்தாச்சு!
நோஞ்சான்களா அது மாறிப்போச்சு!
வசனம் : கிளீன் இந்தியா, மேக் இன் இந்தியா
டிஜிட்டல் இந்தியா, ஸ்டேன்ட் அப் இந்தியா
ஸ்டார்ட் அப் இந்தியா ...ஸ்ஸ்ஸ்ஸ்
அப்பா மூச்சு முட்டுதே (பலப்பல...)
ஏழைங்க ஜனத்தொகை கூடிப்போச்சு! -இப்ப
இருக்கிற கோவணமும் களவு போச்சு!
(விளம்பரம் ...)
சரணம் - 2
துடைப்பத்தை வெச்சிக்கிட்டு ஒரு போஸு! -ஜவுளிக்
கடை போல் அரசே மாறிப் போச்சு!
எடுத்ததுக்கெல்லாம் ஒரு பில்டப்பு! -அட
எப்ப ஓயும் இவங்க அல்டாப்பு!
(விளம்பரம் ...)
சரணம் - 3
பூக்கடைக்கு ஒரு விளம்பரம் தேவையா?
பொற்கால ஆட்சியின்னா தண்டோராவும் வேணுமா?
சாக்கடையில் தினமும் சந்தனம் கரைச்சு
எம்புட்டு ஊத்தினாலும் அந்த துர்நாற்றம் தான் போகுமா?
(விளம்பரம்...)