உலகில் காற்று மாசு அதிகம் உள்ள தலைநகரங்கள் பட்டியலில் தொடர்ந்து 4வது முறையாக டெல்லி முதலிடம் பிடித்துள்ளது,
2021 ஆம் ஆண்டில் உலக சுகாதார அமைப்பு காற்று மாசுபாட்டின் பாதுகாப்புக்கான வரம்பை மாற்றியமைத்தது. அந்த புதிய தரநிலைகளின்படி, பி.எம்.2.5 காற்றில் உள்ள துகள்களின் சராசரி ஒரு மீட்டர் கனசதுரத்திற்கு 5 மைக்ரோகிராம்களுக்கு குறைவாக இருக்க வேண்டும். இதனடிப்படையில், சுமார் 6,475 நகரங்களில் மாசு தரவுகளின் கணக்கெடுப்பை சுவிஸ் மாசு தொழில்நுட்ப நிறுவனம் நடத்தியது. அதில் 93 நகரங்களில் உலக சுகாதார அமைப்பால் பரிந்துரைக்கப்பட்ட அளவை விட 10 மடங்கு அதிக மாசுபாடு இருப்பது தெரியவந்துள்ளது.
அதன்படி 2021 ஆம் ஆண்டில் இந்தியாவின் ஒட்டுமொத்த மாசு அளவு மேலும் மோசமடைந்ததுள்ளது. உலகின் மிகவும் காற்று மாசுபட்ட தலைநகரமாக இந்தியாவின் புதுடெல்லி உள்ளது. அதேபோல் உலகின் அதிக காற்று மாசுபாட்டை உடைய நாடாக வங்காள தேசம் உள்ளது. அதிக மாசடைந்த நகரங்களுக்கான பட்டியலில் டெல்லி 4வது இடத்தில் உள்ளது. முதலிடத்தில் ராஜஸ்தானின் பிவாடி உள்ளது. நகரங்களுக்கான பட்டியலில் முதல் 100 இடங்களில் 63 இந்திய நகரங்கள் இடம்பெற்றுள்ளன. முதல் 15 இடங்களில் 10 இடங்களை இந்திய நகரங்களே இடம்பெற்றுள்ளது. இவற்றில் பெரும்பாலான நகரங்கள் தலைநகர் டெல்லியைச் சுற்றி அமைந்துள்ள நகரங்களாகவே உள்ளது.