பஞ்சாப் குர்தாஸ்பூர் மாவட்டத்தில் உள்ள சச்சேகி கிராமத்தைச் சேர்ந்த கியான் சிங் (65), ஷம்பு தடுப்புப் பகுதியில் இருந்து ஒரு கிலோமீட்டர் தொலைவில் உள்ள தள்ளுவண்டியில் தூங்கிக் கொண்டிருந்தபோது, அதிகாலை 3 மணியளவில் மாரடைப்பு காரணமாக உயிரிழந்தார்.
இதே போல ஹரியானா மாநிலம் பானிபட் மாவட்டத்தைச் சேர்ந்த முன்னாள் ரயில்வே போலீஸ் (ஜிஆர்பி) அதிகாரியான ஹீரா லால் (65) விவசாய போராட்டத்திற்கு ஆதரவு தெரிவித்து, ஷம்பு எல்லையில் தங்கி இருந்தார். கண்ணீர் புகைக்குண்டுகளால் உடல்நிலை பாதிக்கப்பட்ட ஹீரா லால் பிப்ரவரி 13 அன்று அம்பாலா கான்ட் அரசு மருத்துவமனையில் அனுமதிக்கப்பட்ட நிலையில், வெள்ளியன்று அவர் உயிரிழந்தார் என்பது குறிப்பிடத்தக்கது.
மேலும் ஷம்பு எல்லையில் ஹரியானா போலீசார் நடத்திய 20 நிமிட கண்ணீர் புகைக்குண்டு மற்றும் பெல்லட் குண்டு தாக்குதலில் 10-க்கும் மேற்பட்ட விவசாயிகள் காயமடைந்த நிலையில், அவர்களில் 3 பேருக்கு பார்வை பறிபோனது.