உக்ரைனில் நடைபெறும் யுத்தம் மிகவும் ஆபத்தான மற்றும் தீவிரமான கட்டத்தை அடைந்துள்ளது. அமெரிக்கா மற்றும் அதன் ஐரோப்பிய கூட்டாளிகள் ரஷ்யாவுக்கு எதி ரான போரை உலகளாவிய அழிவின் விளிம்பிற்கு தள்ளியுள்ளனர்.
பைடன் நிர்வாகம் உக்ரைனுக்கு ஏடிஏசிஎம்எஸ்(ATACMS) எனும் நீண்ட தொலைவு ஏவுகணைகள் மூலம் ரஷ்யாவின் உள்ளே ஆழமான தாக்குதல்கள் நடத்துவதற்கு அனுமதி வழங்கியுள்ளது. இந்த நடவடிக்கை ஒரு மிகப்பெரிய இராணுவ சிக்கலையும் அச்சுறுத்தலையும் உருவாக்கியுள்ளது. பிரிட்டன் மற்றும் பிரான்ஸ் போன்ற நாடுகளும் இந்த தீவிர நடவடிக்கையை ஆதரித்து வருகின்றனர்.
இந்தப் பின்னணியில், தற்காப்பின் விளிம்புக்குத் தள்ளப்பட்டுள்ள ரஷ்யா தனது அணு ஆயுதக் கொள்கையை மாற்றியுள்ளது. புடின் தனது அரசின் அணு ஆயுத கொள்கையை மிகக் கடுமையானதாக மாற்றியுள்ளார். மேலும் தாக்குதல்கள் தொடரும் பட்சத்தில் அணு ஆயுதங்கள் பயன்படுத்தப்படலாம் என்ற அச்சுறுத்தல் எழுந்துள்ளது.
பைடன் மற்றும் டிரம்ப் இருவரும் அமெரிக்கா வின் உலக ஆதிக்கத்தை தக்கவைக்கும் வகை யிலான யுத்தக் கொள்கைகளை தொடர்ந்து செயல்படுத்தி வருகின்றனர். இதே சமயத்தில் உலகின் பிற பகுதிகளிலும் மோதல்கள் தீவிர மாகி வருகின்றன. பாலஸ்தீனத்தில் நடைபெறும் மனிதாபிமான அவலம், லெபனன் மீதான இஸ்ரேல் தாக்குதல்கள் ஆகியன இந்த யுத்தப் பரி மாணத்தை மேலும் தீவிரப்படுத்தி வருகின்றன.
இந்த யுத்தங்கள் வர்க்க நோக்கில் பார்க்கும்போது, பெரும் கார்ப்பரேட் நிறுவனங் களின் சுயநலப் பேராசைக்கும் ஆதிக்கத்திற்கும் சேவை செய்யும் கருவியாக மாறிவிட்டன. தொழி லாளர் வர்க்கம் மீது மிகப்பெரிய தாக்குதல் நடத்தப்பட்டு வருகிறது. உலகின் செல்வம் மிகக் குறைந்த பத்து சதவீத நபர்களின் கைகளில் குவிக்கப்பட்டு, கோடிக்கணக்கான மக்கள் வறுமை மற்றும் பட்டினியால் பாதிக்கப்பட்டு வரு கின்றன.
தற்போதைய யுத்த நிலையானது மிகவும் பயங்கரமான சூழலை உருவாக்கியுள்ளது. அணு யுத்தம் வெறும் கற்பனைக் கோட்டத்தில் மட்டு மல்லாமல் நடைமுறைக்கு வருமோ என்ற நிலை யில் உலகம் நிற்கிறது. ஒவ்வொரு தாக்குதலும் மேலும் பெரிய மோதலுக்கான சூழலையே உருவாக்குகிறது. இந்த யுத்தங்கள் மனித சமுதாயத்தின் அழிவை நோக்கிய ஒரு கொடூரமான பாதையாகும். மனிதகுலத்தின் தற்காப்பிற்கும் அமைதிக்கும் ஒரே மாற்று வழி - உலகளாவிய தொழிலாளர் வர்க்கத்தின் ஒருங்கி ணைந்த எழுச்சியே ஆகும்.
தொழிலாளர் வர்க்கத்தின் சர்வதேச ஒற்று மையே இன்றைய மிகப்பெரிய தேவையாகும்.