மணிப்பூரின் நெருக்கடி நிலை முற்றியுள்ள நிலையில், முதலமைச்சர் பைரேன் சிங் தனது பதவியை ராஜினாமா செய்துள்ளார். 46 பாஜக கூட்டணி எம்எல்ஏக்களில் வெறும் 20 பேர் மட்டுமே அவரது கடைசி கூட்டத்தில் கலந்து கொண்டது, அவரது தலைமையின் மீதான நம்பிக்கை முற்றி லும் சரிந்துவிட்டதை உணர்த்துகிறது. காங்கிரஸ் கட்சி நம்பிக்கையில்லா தீர்மானம் கொண்டுவர திட்டமிட்டிருந்த நிலையில், திங்கட்கிழமை தொடங்க இருந்த சட்டசபை கூட்டத் தொடர் ரத்து செய்யப்பட்டுள்ளது. இது ஜனநாயக முறை மைகளின் தோல்வியையே காட்டுகிறது.
பைரேன் சிங்கின் ஆட்சிக்காலம் மணிப்பூரின் இன உறவுகளை வரலாறு காணாத அளவில் சிதைத்துள்ளது. குகி-சோ சமூகத்திற்கு எதிரான வன்முறையை தூண்டியதாக கூறப்படும் ஆடி யோ குறித்து உச்சநீதிமன்றம் விசாரணை நடத்த உத்தரவிட்டுள்ளமை, அவரது ஆட்சியின் பாரபட்ச போக்கை வெளிப்படுத்துகிறது.
மத்திய அரசின் பங்கும் கேள்விக்குறியாகவே உள்ளது. மே 2023 முதல் நீடித்த வன்முறையில் நூற்றுக்கணக்கானோர் உயிரிழந்த பின்னரும், ஆயிரக்கணக்கானோர் இடம்பெயர்ந்த பின்னரும் தான் அவர் ராஜினாமா செய்துள் ளார். இப்போது கூட, மாநிலத்தில் ஜனாதிபதி ஆட்சி அமல்படுத்தப்படலாம் என்ற செய்திகள் வெளியாகி வருகின்றன.
சமூக நல்லிணக்கத்தை மீட்டெடுப்பது, வன்முறையால் பாதிக்கப்பட்ட மக்களின் வாழ்வா தாரத்தை மீண்டும் கட்டியெழுப்புவது, இழந்த நம் பிக்கையை திரும்பப் பெறுவது என பல சவால் கள் உள்ளன. இவற்றை சமாளிக்க வேண்டுமெ னில், வெறும் ஆட்சி மாற்றம் மட்டுமல்ல, மாநி லத்தின் அரசியல், பொருளாதார, சமூக கட்ட மைப்புகளில் அடிப்படை மாற்றங்கள் தேவைப் படுகின்றன.
வன்முறையின் பின்னணியில் உள்ள பொரு ளாதார காரணிகளும் கவனத்தில் கொள்ளப்பட வேண்டும். மணிப்பூரின் இளைஞர்கள் மத்தியில் நிலவும் வேலையின்மை, குறிப்பாக மலைப்பகுதிக ளில் வாழும் பழங்குடி மக்களின் வறுமை, போதைப் பொருள் பாதிப்பு ஆகியவை சமூக அமைதிக்கு பெரும் சவாலாக உள்ளன. மேலும், பாரம்பரிய நிலங்கள் மீதான ஆக்கிரமிப்புகள், வளங்களின் சமமற்ற பகிர்வு, வளர்ச்சித் திட்டங்களில் ஒரு சில பகுதிகளுக்கு மட்டுமே முன்னுரிமை அளிக் கப்படுவது போன்றவை சமூகங்களுக்கிடையே யான பிளவை ஆழப்படுத்தியுள்ளன.
மணிப்பூரின் எதிர்காலம் குறித்த தெளிவான பார்வை தேவைப்படுகிறது. வெறும் இராணுவ நடவடிக்கைகள் மூலமோ, அல்லது மேலோட்ட மான அரசியல் தீர்வுகள் மூலமோ இந்த நெருக்க டியை தீர்க்க முடியாது. மாநிலத்தின் பன்முக கலாச்சார அடையாளங்களை பாதுகாப்பதோடு, அனைத்து சமூகங்களுக்கும் சம வாய்ப்புகளை உறுதி செய்யும் ஒரு விரிவான அணுகுமுறை தேவை. அதற்கு, அங்கிருந்து பாஜகவை முற்றாக துடைத்தெறிவது அவசியம்.