நார்வே நாட்டில் நடைபெற்று வரும் சர்வதேச செஸ் தொடரான “நார்வே செஸ்” விறுவிறுப்பாக நகர்ந்து வரும் நிலையில், கிளாசிக்கல் பிரிவில் உலக சாம்பியன் கார்ல்சனை மீண்டும் தோற்கடித்து முன்னிலை பெற்றுள்ளார் இந்தியாவின் விஸ்வநாதன் ஆனந்த். இருவருக்கும் இடையிலான 5-வது சுற்று ஆட்டம் (40 நகர்த்தலில்) டிரா ஆனது. வெற்றியை நிர்ணயிக்க ஆர்மகெடன் முறையிலான சுற்றில் அதிரடியாக விளையாடி கார்ல்சனை வீழ்த்தினார் ஆனந்த். இன்னும் 4 சுற்றுகள் மீதமுள்ள நிலையில் 10 புள்ளிகளுடன் முன்னிலையிலுள்ளார் விஸ்வநாதன் ஆனந்த். 9.5 புள்ளிகளுடன் கார்ல்சன் 2-ஆம் இடத்தில் உள்ளார். இதே நார்வே செஸ் தொடரின் “பிளிட்ஸ்” பிரிவில் விஸ்வநாதன் ஆனந்த், கார்ல்சனை தோற்கடித்தார் என்பது குறிப்பிடத்தக்கது.
