இன்னும் ரூ.8,470 கோடி மதிப்பிலான 2,000 ரூபாய் நோட்டுகள் திரும்ப வரவில்லை என ரிசர்வ் வங்கி தெரிவித்துள்ளது.
ஒன்றிய அரசு கடந்த ஆண்டு மே மாதம் 2,000 ரூபாய் நோட்டுகளை திரும்பப்பெறுவதாக அறிவித்தது. இதை 2023 மே 19-ஆம் தேதியில் ரூ.3.56 லட்சம் கோடி 2,000 ரூபாய் நோட்டுகள் புழக்கத்தில் இருந்ததாக அறிவிக்கப்பட்டது. இந்த நிலையில் தற்போது புழக்கத்தில் இருந்த 97.62% 2,000 ரூபாய் நோட்டுகள் திரும்பப்பெறப்பட்டதாகவும், இன்னும் ரூ.8,470 கோடி மதிப்பிலான 2,000 ரூபாய் நோட்டுகள் திரும்ப வரவில்லை என்றும் ரிசர்வ் வங்கி தெரிவித்துள்ளது.
புழக்கத்தில் இருந்த ரூ.2,000 நோட்டுகளைத் திரும்பப் பெறுவதற்கான அவகாசம் கடந்த ஆண்டு அக்டோபர் 7-ஆம் தேதி முடிவடைந்த நிலையில், ரிசர்வ் வங்கியின் 19 பிராந்திய அலுவலகங்களில் ரூ.2,000 நோட்டுகளை மக்கள் மாற்றிக் கொள்ளலாம் என்றும், ரிசர்வ் வங்கிக்குச் செல்ல இயலாதவர்கள், அஞ்சல் துறையின் சேவையைப் பயன்படுத்திக் கொள்ளலாம் எனவும் தெரிவிக்கப்பட்டது குறிப்பிடத்தக்கது.