இந்திய ரிசர்வ் வங்கியின் அறிவிப்பின் படி இன்று முதல் வங்கிக்கான வேலை நேரம் மாற்றியமைக்கப்பட்டுள்ளது.
ரிசர்வ் வங்கியின் அறிக்கையின் படி ஏப்ரல் 18 ஆம் தேதி முதல் வங்கிகள் காலை 9 மணிக்கே திறக்கப்படும் என அறிவிக்கப்பட்டுள்ளது. எனினும் வங்கிகள் மூடப்படும் நேரத்தில் எந்த மாற்றமும் செய்யப்படவில்லை.
நாட்டில் கொரோனாவின் தாக்கம் மிக மோசமாக பரவி வந்த நிலையில், வங்கிகளின் வேலை நேரத்தினை ரிசர்வ் வங்கி குறைத்திருந்தது. இந்நிலையில் தற்போது கொரோனா கட்டுப்பாடுகள் நீக்கப்பட்டுள்ள நிலையில், வங்கி நேரம் மீண்டும் மாற்றியமைக்கப்பட்டுள்ளது. இதன் மூலம் வாடிக்கையாளர்கள் சேவை பெறும் நேரம் இன்றும் அதிகரிக்கும் என ரிசர்வ் வங்கி தெரிவித்துள்ளது.
புதிய அட்டவணைப்படி, அழைப்பு, அறிவிப்பு, காலப் பணம் காலை 9:00 முதல் மாலை 3:30 வரையிலும் , அரசு பத்திரங்களில் சந்தை ரெப்போ – காலை 9:00 முதல் மதியம் 2:30 வரையிலும், அரசுப் பத்திரங்களில் ட்ரை பார்ட்டி ரெப்போ – காலை 9:00 முதல் மாலை 3:00 மணி வரையிலும், வணிகத் தாள் மற்றும் வைப்புச் சான்றிதழ்கள் – காலை 9:00 முதல் மாலை 3:30 வரையிலும், கார்ப்பரேட் பத்திரங்களில் ரெப்போ – காலை 9:00 முதல் மாலை 3:30 வரையிலும் மாற்றியமைக்கப்பட்டுள்ளன.
மேலும் அரசு பத்திரங்கள் (மத்திய அரசு பத்திரங்கள், மாநில வளர்ச்சி கடன்கள் மற்றும் கருவூல பில்கள்) – காலை 9:00 முதல் மாலை 3:30 வரை அந்நியச் செலாவணி (FCY)/இந்திய ரூபாய் (INR) வர்த்தகம் அந்நிய செலாவணி டெரிவேடிவ்கள் உட்பட – காலை 9:00 முதல் மாலை 3:30 வரை. ரூபாய் வட்டி விகித வழித்தோன்றல்கள் – காலை 9:00 முதல் மாலை 3:30 வரை என்று வங்கியின் குறிப்பில் கூறப்பட்டுள்ளது.