ஓட்டுநர் இல்லா மெட்ரோ ரயில் பூந்தமல்லியில் நாளை சோதனை ஓட்டம்

சென்னை, அக்.24- சென்னையில் ஓட்டுநர் இல்லா மெட்ரோ ரயிலின் சோதனை ஓட்டம் விரைவில்  நடத்தப்படும் என்று அறிவிக் கப்பட்டுள்ளது. சென்னை மெட்ரோ 2-ம் கட்ட திட்டம்  ரூ. 63,246 கோடி மதிப்பீட்டில், மாதவரம்  பால் பண்ணை முதல் சிறுசேரி சிப்காட்  வரையிலும் (45.4 கி.மீ), கலங்கரை விளக்கம் முதல் பூந்தமல்லி பனிமனை  வரையிலும் (26.1 கி.மீ), மாதவரத்தில் இருந்து சோழிங்கநல்லூர் வரையிலும் (44.6 கி.மீ) என சுமார் 116.1 கி.மீ தொலைவிற்கு 3 வழித்தடங்களில் சென்னை மெட்ரோ ரயிலின் 2-ம்  கட்டத்திட்டத்தின் கட்டுமான பணிகள் விறுவிறுப்பாக நடைபெற்று வருகி றது. பல்வேறு சிறப்பம்சங்கள் கொண்ட சென்னை மெட்ரோ ரயில் 2-ம்  கட்டத் திட்டத்தில் ஓட்டுநர் இல்லாத ரயிலை பயன்படுத்துவதும் முக்கிய அம்சமாக பார்க்கப்படுகிறது. சென்னை மெட்ரோ ரயில் நிறுவனத் தின் 2-ம் கட்ட வழித்தடத்தில் ஓட்டுநர் இல்லாமல் தானியங்கி முறையில் இயக்கப்படும் 3 பெட்டிகளை கொண்ட  36 மெட்ரோ ரயில்களை (மொத்தம் 108 பெட்டிகள்) வழங்குவதற்கான ஒப்பந்தம் அல்ஸ்டோம் டிரான்ஸ் போர்ட் இந்தியா என்ற நிறுவனத்திற்கு ரூபாய் 1,215.92 கோடிமதிப்பில் சென்னை மெட்ரோ ரயில் நிறுவனம் வழங்கியது. இதனைத் தொடர்ந்து கடந்த பிப்ரவரி 8 ஆம் தேதி ரயில் பெட்டிகளை  தயாரிக்கும் பணியை இந்த நிறுவனம் மேற்கொண்டது. அதன் பிறகு முதல் ரயிலினை கடந்த செப்டம்பர் 22-ந் தேதி  தயாரித்து முடித்ததாக சென்னை மெட்ரோ ரயில் நிறுவனம் அறிவிப்பை  வெளியிட்டது. இந்நிலையில் தயாரிக்கப்பட்டுள்ள ஓட்டுநர் இல்லாத முதல் மெட்ரோ ரயி லினை பூந்தமல்லியில் உள்ள மெட்ரோ  பணிமனையில் சோதனை ஓட்டத்திற் காக மெட்ரோ ரயில் நிறுவன அதிகாரி கள் கொண்டு வந்துள்ளனர். அங்கு தயார் நிலையில் வைக்கப் பட்டுள்ள 3 பெட்டிகள் அடங்கிய முதல்  ஓட்டுநர் இல்லாத மெட்ரோ ரயிலின் சோதனை ஓட்டம் அக்.26-ந் தேதி  தொடங்க உள்ளதாக மெட்ரோ ரயில்  நிறுவன அதிகாரிகள் தெரிவித்துள்ள னர்.