நாட்டின் தலைநகரை கோடிக்கும் மேற்பட்ட விவசாயிகள் முற்றுகையிட்டிருக்கிறார்கள். அவர்கள் பிள்ளைகள் தான் ராணுவத்திலும் போலீசிலும் அணிவகுத்து நிற்கிறார்கள். மோடி மைக்ராஸ்கோப்பில் குனிந்து நிற்கிறார். விவசாயிகளை சந்திக்க திராணியின்றி நிற்கிறார். இந்தத் தொல்குடி நினைத்தால் நாடாளுமன்றத்தையே ஏர்க்கலப்பையால் கெல்லி எறியும் என்பது மதவெறியர்களுக்குத் தெரியாது. மாதக்கணக்கில் டேரா அடித்து விவசாயிகள் காத்திருக்கிறார்கள். இதரமாநிலங்களிலுள்ள விவசாயிகளும் அணிவகுத்தால் தலைநகர் தாங்காது. தமிழகத்தில் மத்திய அரசுசார்ந்த அலுவலகங்களை இடதுசாரி கட்சிகள் முற்றுகையிடுகின்றன. அரசு நியாயவிலை கொடுத்து வாங்குவதை நிறுத்திவிட்டு அம்பானிகளின் கொள்ளைக்கு வித்திட்டுள்ளது. இலவச மின்சாரம் போன்ற தற்போதைய சலுகைகளை ரத்து செய்ய சட்டம் போட்டிருக்கிறார் மோடி.தில்லி முற்றுகையில் 500 க்கும்மேற்பட்ட சங்கங்கள் இணைந்து நிற்கிறார்கள். தமிழக விவசாயிகளும் அரசியல் வேறுபாடின்றி களமிறங்க வேண்டும். தலைமையேற்க வேண்டிய தொழிலாளி வர்க்கமும் களமிறங்கியாக வேண்டும்.
தொல்குடிகளின் போர்
காடுகளை அழித்துக் கழனிகளாக்கிய தொல்குடிகளே விவசாயிகள். அவர்களே இயற்கையின் பாதுகாவலர்கள். அவர்கள் சாகுபடிக்கு வெள்ளைக்காரர்களும் காங்கிரசாட்சியும் அணைகள் கட்டிக் கொடுத்தது.சோவியத் ரஷ்யா பக்ரா நங்கலைக்கட்டிக் கொடுத்தது.பல உதவிகள் செய்தது. ஆனால் பாஜக அரசு கடல்கள்- மலைகள் - காடுகள் - நதிகளை கார்ப்பரேட்டுகளுக்கு பெருந்தொகை லஞ்சம் வாங்கிக் கொண்டு தாரைவார்க்கிறார்கள். ஒரு அணைகூடக்கட்டவில்லை. அணைகளுக்கும் பாசன விவசாயிகள் பயன்படுத்தும் நீருக்குப் பணம் கேட்போம் என்கிறார்கள். இரும்பெல்லாம் டாட்டாவுக்கும் ஜிண்டாலுக்கும் --கடல்புறங்கள் மின்சாரம் விமான தளங்களெல்லாம் பினாமி அதானிக்கு--எண்ணெய் வளம் இதர வளமெல்லாம் அம்பானிக்கு --வங்கிகளெல்லாம் கார்ப்பரேட்டுகளுக்கு எனப் பயணிக்கிறார்கள்.இப்போது அவர்களையே வங்கித்தொழிலைத்துவக்கி மக்களை பணத்தை நேரடியாய் சூறையாட அனுமதிக்கிறார்கள்.
தமிழகத்தில் செயல்படும் அடிமை அதிமுக அரசும் தனது பங்குக்கு அழிவு வேலைகளுக்குத் துணைபுரிகிறது. மாமூல்களுக்கு கணக்கு வழக்கேயில்லை. கிரானைட் கம்பெனிகளுக்கு மலைகளைத்தாரை வார்ப்பதில் மட்டும் ஒரு லட்சம் கோடி வருவதாய் கூறப்படுகிறது. கிரானைட் கிடைப்பதாக இருந்தால் திருத்தங்கல் மலையைக்கூட அழிப்பார்கள். எதிர்காலத்தில் மலைஎன்றால் என்ன என்று படத்தைக்காட்ட வேண்டிவரும் நம் சந்ததிகளுக்கு.வனநிலங்கள் லட்சக்கணக்கான ஏக்கர் லஞ்சபேரத்தில் முதலாளிகளுக்குப் பரிமாறப்படுகிறது. கங்கையை சுத்தப்படுத்துவதாய் கூறி 3000 கோடியை ஊழல் செய்தார்கள். பசுத்தோல் போர்த்திய புலியை பற்றி கேட்டிருக்கிறோம்.இவர்கள் மதப்போர்வை போர்த்திய புலிகள். தங்கள் பினாமி சாமியார்களுக்கு ஆயிரக்கணக்கான விளைநிலங்களை இலவசமாய் தருகிறார்கள்.கொரோனாவைக்கூறியே கொடும் சட்டங்களை நிறைவேற்றுகிறார்கள். கொரோனாவைவிடக் கொடியவர்கள் இவர்கள்.
மோடியின் பொய்கள்
மோடி காசியில் இருந்து பொய்மூட்டைகளை அவிழ்த்துள்ளார். விவசாயிகள் போராட்டத்திற்குப் பணியமாட்டேன் என்று மமதையாய் பேசுகிறார். ஆட்சிக்கு வந்தால் விவசாயக்கடன்கள் ரத்தாகும் என்று பொய் சொல்லி விவசாயிகளை அழைத்து வந்துள்ளார்களாம்.தங்கள் பொருட்களை (அரசு கொள்முதல் செய்யாமல்) தாங்களே விற்கும் அதிகாரத்தை வழங்கியுள்ளேன். இது எதிர்க்கட்சிகளின் சதி என்றும் மோடி காசி யாத்திரை போகிறார்.காசிக்குப்போகும் சந்நியாசி !நாடு என்னாகும் நீ யோசி !
===எஸ்ஏபி===