திருவனந்தபுரம், ஆக.31- போதைப்பொருள் பயன்பாட்டையும் விநியோ கத்தையும் தடுக்க கடும் நடவடிக்கை எடுக்க கேரள முதல்வர் பினராயி விஜயன் தலைமையில் நடந்த உயர்மட்டக் கூட்டத்தில் முடிவு செய்யப்பட்டது. இதுபோன்ற செயல்களில் ஈடுபடுபவர்களுக்கு கடும் தண்டனை உறுதி செய்யப்படும். போதைப் பொருள் கட்டுப்பாட்டு அமைப்பின் அறிக்கையின் அடிப்படையில், மீண்டும் குற்றங்களைச் செய்பவர்கள் தடுப்புக் காவலில் வைக்கப்படுவார்கள். கப்பா பதிவேடு தயாரிக்கும் மாதிரியில் போதைப்பொருள் கடத்தல் குற்றங்களில் ஈடுபடுபவர்களின் தரவு வங்கியை (டேட்டா பேங்க்) தயார் செய்ய முதல்வர் பரிந்துரைத்தார். எல்லைகள் மற்றும் பிற மாநிலங்களில் இருந்து கேரளா வரும் ரயில்களில் சோதனை பலப்படுத்தப் படும். மாநிலம் முழுவதும் காவல்துறை மற்றும் கலால் துறையினர் தலைமையில் சிறப்பு போதைப் பொருள் தடுப்பு இயக்கம் நடத்தப்படும். போதைக்கு எதிரான போராட்டம் ஒரு பிரபலமான முகாமாக ஏற்பாடு செய்யப்படும். இளைஞர்கள், பெண்கள், குடும்பஸ்ரீ ஆர்வலர்கள், சமூக அமைப்புகள், நூலகங்கள், கிளப்புகள், குடியிருப்போர் சங்கங்கள், சமூக-கலாச்சார மற்றும் அரசியல் குழுக்கள் உள்ளிட்ட பல்வேறு உள்ளூர் குழுக்கள் இந்தப் பிரச்சா ரத்தில் ஈடுபடுத்தப்படுவார்கள். இதற்கு தெளிவாக வழிமுறைகள் வகுக்கப்படும்.
அக்.2 முதல்...
அக்டோபர் 2ஆம் தேதி இந்த பிரச்சாரம் தொடங் கப்படும். தொடக்க நாளில் அனைத்து பள்ளிகளிலும் பி.டி.ஏ. சிறப்புக் கூட்டங்கள் நடத்தப்படும். விக்டர்ஸ் சேனல் மூலம் அனைத்து வகுப்பினருக்கும் தொடக்க உரையைக் கேட்க வாய்ப்பு வழங்கப்படும். பின்னர் இரண்டு அல்லது மூன்று குறும்பட போதை எதிர்ப்பு படங்கள்/வீடியோக்கள் மூலம் ஒரு மணி நேர போதை எதிர்ப்பு வகுப்பும், போதைப் பழக்கத்தை தவிர்க்க உள்நாட்டில் என்ன செய்ய வேண்டும் என்ற விவாதமும் ஏற்பாடு செய்யப்படும். இது போன்ற நிகழ்ச்சிகள் பேருந்து நிலையங்கள் மற்றும் கிளப்களில் நடத்தப்படும்.
தடுப்புக் குழுக்கள்
காந்தி ஜெயந்தி விழாவை போதை ஒழிப்பு முகா மாக மாற்ற வேண்டும் என்று முதல்வர் பரிந்துரைத் தார். பள்ளிகள் மற்றும் உயர்கல்வி நிறுவனங்களில் மாணவர்களுக்கான பல்வேறு திட்டங்கள் உரு வாக்கப்பட வேண்டும். ரோல் பிளே, ஸ்கிட், போதைக்கு எதிரான கவிதை, கதை வாசிப்பு, பேச்சு, சுவரொட்டி எழுதுதல் போன்ற சிறப்பு நிகழ்ச்சிகள் உள்ளூர் வாய்ப்புகளை கருத்தில் கொண்டு திட்டமிடப்படும். காந்தி ஜெயந்தி அன்று பள்ளிகள், கல்லூரிகள் மற்றும் பிற கல்வி நிறுவனங்களைச் சுற்றி போதை க்கு எதிரான பாதுகாப்பு வலையமைப்பு உருவாக்கப் படும். அனைத்துப் பள்ளிகளிலும் பிடிஏ தலைமை யில் உள்ளூர் சங்கங்களின் பிரதிநிதிகள், முன்னாள் மாணவர்கள், அரசியல் கட்சிகளின் பிரதிநிதிகள் அடங்கிய போதைப்பொருள் தடுப்புக் குழுக்கள் அமைக்கப்படும். என்சிசி, எஸ்பிசி, என்எஸ்எஸ், சாரணர் மற்றும் வழிகாட்டிகள், ஜேஆர்சி, லிபரேஷன் கிளப் போன்ற வழிமுறைகள் பிரச்சாரத்தில் திறம்பட பயன்படுத்தப் பட வேண்டும். கவனமும் ஒழுக்கமும் அனைத்து உயர்கல்வி நிறுவனங்களிலும் நடைமுறைப் படுத்தப்படும். அத்தகைய ஒருங்கிணைந்த செயல் பாட்டின் ஒரு பகுதியாக இதில் பணிபுரிபவர்களுக்கு சிறப்பு பயிற்சி அளிக்கப்படும்.
குடும்பஸ்ரீ பிரிவுகளில் போதைப் பழக்கம் குறித்து சிறப்பு கலந்துரையாடல் நடத்த வேண்டும். போதைப் பொருள் ஒழிப்புப் பிரச்சாரத்தின் ஒரு பகுதியாக சிறப்புப் பிரிவுக் கூட்டங்கள் நடத்தப்பட வேண்டும். போதைப்பொருள் நுகர்வு அல்லது விநி யோகம் கவனிக்கப்பட்டால் என்ன செய்வது என்பது பற்றிய துல்லியமான - விரிவான வழிமுறைகள் கொடுக்கப்பட வேண்டும். தொடர்பு கொள்ள வேண்டிய அதிகாரிகளின் தொலைபேசி எண் மற்றும் முகவரி தெரிவிக்கப்பட வேண்டும். வணிக நிறுவனங்கள் போதைப் பொருட்களை விற்பனை செய்யக்கூடாது என அறிவிப்பு பலகை வைக்க வேண்டும். தொடர்பு கொள்ள வேண்டிய காவல்துறை/ கலால் துறை அதிகாரிகளின் தொலைபேசி எண் மற்றும் முகவரி பலகையில் இருக்க வேண்டும்.
பொது விழிப்புணர்வு குழுக்கள்
அனைத்து கலால் அலுவலகங்களிலும் போதைப்பொருள் நுகர்வு/விநியோகம் குறித்த தகவல்களை சேகரிக்க கட்டுப்பாட்டு அறை அமைக்கப்படும். தகவல் அளிப்பவர்களின் விவரங்கள் ரகசியமாக வைக்கப்படும். உள்ளூர் சுயராஜ்ய அளவிலான பொது விழிப்புணர்வுக் குழுக்கள் மூன்று மாதங்களுக்கு ஒருமுறை கூடி செயல்பாடுகளை மதிப்பீடு செய்யும். இதில் கலால்/காவல்துறை அதி காரிகள் கலந்து கொள்வார்கள். ஆறு மாதங்களுக்கு ஒருமுறை முதல்வர் தலைமையில் உயர்நிலை ஆய்வுக் கூட்டம் நடத்தப்படும். இதற்கிடையில், தலைமைச் செயலாளரின் ஆய்வு மற்றும் மதிப்பீடு செய்யப்பட வேண்டும் என்று கூட்டத்தில் முதல்வர் பரிந்துரைத்தார். அவர்கள் தலைமையில் பல்வேறு துறைகள் மேற்கொண்ட நடவடிக்கைகள் குறித்து கூட்டத்தில் விளக்கப்பட்டது.அமைச்சர்கள் எம்.வி.கோவிந்தன் மாஸ்டர், பி.ராஜீவ், ஆர்.பிந்து, தலைமைச் செயலாளர் டாக்டர். வி.பி.ஜாய், உள்துறை கூடுதல் தலைமைச் செயலாளர், துறைச் செயலாளர்கள், மாநில காவல் துறைத் தலைவர் அனில்காந்த், கலால் ஆணையர் எஸ்.அனந்தகிருஷ்ணன் உள்ளிட்டோர் கலந்து கொண்டனர்.