இந்தியாவில் ஒரே நாளில் 17296 பேருக்கு கொரோனா தொற்று உறுதி செய்யப்பட்டுள்ளது. இதைத்தொடர்ந்து மொத்த பாதிப்பு 5 லட்சத்தை நெருங்குகிறது.
இதுகுறித்து மத்திய சுகாதாரத்துறை வெளியிட்டு உள்ளதகவலில் கூறப்பட்டுள்ளதாவது
இந்தியாவில் கடந்த 24 மணி நேரத்தில் இதுவரை இல்லாத வகையில் 17,296 பேருக்கு கொரோனா தொற்று ஏற்பட்டு உள்ளது. மேலும் 407 பேர் உயிரிழந்து உள்ளனர். மொத்த பாதிப்பு - 4,90,401 ஆக உயர்ந்து 5 லட்சத்தை நெருங்கி உள்ளது. குணமடைந்தவர்கள் - 2,85,636 பேர், மொத்த உயிரிழப்பு 15,301 ஆகும் .
இந்தியாவில் ஒரு லட்சம் மக்கள் தொகைக்கு கொரோனா பாதிப்பு 33.39 ஆக உள்ளது. தற்போது உலகில் சராசரி லட்சம் மக்கள் தொகைக்கு 120.21 பாதிப்புகள் உள்ளன.நாட்டில் ஒரு லட்சம் மக்கள்தொகைக்கு இறப்புகள் 1.06 ஆக உள்ளது. உலக சராசரியான இறப்புகள் 6.24 விட மிகக்குறைவு என மத்திய அரசு தெரிவித்து உள்ளது.
