நியூயார்க் 
உலகை மிரட்டி வரும் கொரோனா வைரஸ் தற்போது அமெரிக்காவை மையம் கொண்டுள்ளது. கடந்த 24 மணிநேரத்தில் மட்டும் அங்கு 35 ஆயிரத்துக்கும் அதிகமானோர் கொரோனாவால் பாதிக்கப்பட்டுள்ள நிலையில், 2,065 பேர் பலியாகியுள்ளனர். இதன் மூலம் அமெரிக்காவில் மொத்த பாதிப்பு 9 லட்சத்து 60 ஆயிரமும், பலி எண்ணிக்கை 54 ஆயிரத்தையும் தாண்டியுள்ளது. 7 ஆயிரத்துக்கும் அதிகமானோர் சிகிச்சை பெற்று வீடு தியூரம்பியுள்ள நிலையில், குணமடைந்தவர்களின் மொத்த எண்ணிக்கை 1 லட்சத்து 18 ஆயிரத்தை தாண்டியுள்ளது. 

குறிப்பாக அமெரிக்காவின் 7 மாகாணங்களில் கடும் பாதிப்பை ஏற்படுத்தியுள்ள கொரோனா நியூயார்க் நகரை சின்னாபின்னமாக்கியுள்ளது. அங்கு ஒரே நாளில் 1200-க்கும் மேற்பட்டோரை காவு வாங்கியுள்ளது. அமெரிக்காவில் பாதிப்பு மற்றும் பலி எண்ணிக்கையில்  நியூயார்க் தான் முதலிடத்தில் உள்ளது. நியூயார்க் கொரோனா பாதிப்பு எண்ணிக்கை 2 லட்சத்தை தாண்டியுள்ள நிலையில், பலி எண்ணிக்கை 16,500 ஆக உள்ளது.