திருப்பூர், ஜூன் 21- வெளி மாவட்டங்கள் மற்றும் மாநிலங்களில் இருந்து வரு வோரை தனிமைப்படுத்திக் கண்காணிக்க திருப்பூர் ஜெய் வாபாய் பள்ளியில் 96 படுக்கைகளுடன் தயார் நிலையில் வைக்கப்பட்டுள்ளது. கொரோனா வைரஸ் பரவலை தடுக்கும் வகையில் நாடு முழுவதும் பிறப்பிக்கப்பட்ட ஊரடங்கில் சில தளர்வுகள் அறிவிக்கப்பட்டது முதல் வெளி மாவட்டம் மற்றும் மாநிலங்களில் இருந்து திருப்பூருக்கு பெரும்பாலானோர் வருகின்றனர். அவ்வாறு வருபவர்களிடம் விசாரணை மேற்கொள்ளப்பட்டு பின்னர்14 நாட்கள் தனிமைப்படுத்த மாவட்ட நிர்வாகம் உத்தரவிட்டுள்ளது. அதனடிப் படையில், திருப்பூர் ரயில் நிலையம் அருகே அமைந்துள்ள ஜெய்வாபாய் அரசுப் பெண்கள் மேல்நிலைப் பள்ளியில் தற்போது வகுப்பறைகள் தற்காலிக மருத்துவமனையாக மாற்றப்பட்டுள்ளது. இதற்காக 96 படுக்கைகளுடன் அரசுப் பள்ளி தயார் நிலையில் வைக்கப்பட்டுள்ளது. இப் பள்ளியிலேயே பரிசோதனை மேற்கொள்ள வசதியாக ஆய்வகமும் அமைக்கப்பட்டு உள்ளது என திருப்பூர் சுகாதாரத்துறை அலுவலர்கள் தெரிவித்துள்ளனர்.
ஊடக உலகில் உண்மையின் பேரொளி