திருநங்கைகளுக்கு வாய்ப்பளித்த அனிருத்

சென்னை 
தென்னிந்திய திரையுலகில் பிரபல இயக்குநர்களில் ஒருவரான ஏ.ஆர்.முருகதாஸ் இயக்கத்தில் ரஜினிகாந்த் நடித்துள்ள படம் ‘தர்பார்’. இந்தப்படத்தில் ரஜினி காவல்துறை அதிகாரியாக நடிக்க, நயன்தாரா நாயகியாக நடித்துள்ளார். இப்படத்திற்கு அதிரடி இசைக்குப் பெயர் பெற்ற அனிருத் இசையமைத்திருக்கிறார். படத்தின் இசை வெளியீட்டு விழா டிசம்பர் 7-ஆம் தேதி நடைபெறவுள்ளது. தமிழக ரசிகர்கள் அதிகம் எதிர்பார்க்கும் இந்த படத்தில் சந்திரமுகி, ரச்சனா, பிரியா திருநங்கைகள் குழு ஒருபாடலை பாடி அந்த பாடலுக்கு நடனமும் ஆடியுள்ளனர். இவர்கள் தெலுங்கானா மாநிலம் ஹைதராபாத்தைச் சேர்ந்த "ஸ்பைஸ் கேர்ள்ஸ்" எனும் இசை குழுவை சேர்ந்தவர்கள். தற்போதைய நவீன உலகில் புறக்கணிக்கப்படும் இனமாக ஒதுக்கப்படும் திருநங்கைளுக்கு சினிமாவில் வாய்ப்பளித்த அனிருத்தை நெட்டிசன்கள் பாராட்டி வருகின்றனர் என்பது குறிப்பிடத்தக்கது.