சீர்காழி, மார்ச் 18- கொள்ளிடம் ஆற்றில் மணல் திருடிய இருவரை கைது செய்து லாரியை மணலுடன் போலிசார் பறிமுதல் செய்த னர். நாகை மாவட்டம் கொள்ளிடம் அருகே மாதிரவேளுர் கிராமம் பஜனை மடத்தெருவை சேர்ந்த ரெங்கநாதன் மகன் குருநாதன்(42) மற்றும் மாதிரவேளுர் தோப்புதெருவைச் சேர்ந்த சந்தோஷ்(22) ஆகிய இருவரும் செவ்வாயன்று கொள்ளிடம் ஆற்றில் லாரியில் திருட்டுத்தனமாக மணல் ஏற்றிக்கொண்டு பனங்காட்டாங்குடி கிராமத்தில் ஆற்றின் கரையில் வந்து கொண்டிருந்தனர். தகவலறிந்த கொள்ளிடம் சப்-இன்ஸ்பெக்டர் மணி கண்டகணேஷ் மற்றும் போலிசார் சம்பவ இடத்திற்கு சென்று லாரியை மடக்கி லாரி உரிமையாளர் குருநாதன் மற்றும் டிரைவர் சந்தோஷ் ஆகிய இருவருரையும் கைது செய்து லாரியை மணலுடன் பறிமுதல் செய்தனர்.
ஊடக உலகில் உண்மையின் பேரொளி