தமிழ்நாட்டின் சொந்த வரி வருவாய் 14.5 சதவிகிதம் அதிகரிப்பு!
சிஏஜி அறிக்கையில் தகவல்!
சென்னை, ஜூலை 28 - 2025-2026 நிதியாண்டின் பட்ஜெட் மதிப்பீடுகளில், சொந்த வரி வருவாய் ரூ. 2 லட்சத்து 20 ஆயிரத்து 894 கோடியே 58 லட்சமாக அதிகரிக்கும் என்று தமிழ்நாடு அரசு கணித்திருந்தது. இது 2024-2025 ஆம் ஆண்டின் திருத்தப்பட்ட மதிப்பீடான ரூ. 1 லட்சத்து 92 ஆயிரத்து 752 கோடியே 43 லட்சத்திலிருந்து 14.6 சதவிகிதம் அதிகமாகும். அதற்கேற்ப, தமிழ்நாடு அரசின் சொந்த வரி வருவாய் (SOTR) 2025-2026 நிதியாண்டின் முதல் காலாண்டில் (ஏப்ரல் - ஜூன் ஆகிய 3 மாதங்களுக்கு மட்டும்) சுமார் 14.5 சதவிகிதம் அதிகரித்து ரூ. 43 ஆயிரத்து 070 கோடியே 45 லட்சமாக உயர்ந்துள்ளது. கடந்த நிதியாண்டின் இதே காலகட்டத்தில் இந்த வரி வரு வாயானது, ரூ. 37 ஆயிரத்து 605 கோடியே 43 லட்சமாக இருந்தது, குறிப்பிடத்தக்கது. இந்திய கணக்குத் தணிக்கை துறைத் தலைவரின் (CAG) அறிக்கை, இதுதொடர்பான புள்ளி விவரங்களை வெளியிட்டுள்ளது. தமிழ்நாட்டின் மொத்த வரு வாய் வரவுகளில் 75.3 சதவிகிதம் சொந்த வரி வருவாய் மூலம் கிடைக்கிறது. மாநில சரக்கு மற்றும் சேவை வரி (SGST) வசூல், 2025-2026 நிதியாண்டின் முதல் காலாண்டில் சுமார் 21 சதவிகிதம் அதிகரித்து ரூ. 15 ஆயிரத்து 761 கோடியே 04 லட்சத்தை எட்டி யுள்ளது. இது கடந்த ஆண்டு இதே காலகட்டத்தில் ரூ. 13 ஆயிரத்து 019 கோடியே 26 லட்சமாக இருந்தது. பிற வரிகள் மற்றும் கட்டணங் கள் மூலம் கிடைக்கும் வருவாய் சுமார் 23.9 சதவிகிதம் உயர்ந்து ரூ. 3 ஆயிரத்து 529 கோடியே 86 லட்ச மாக பதிவாகியுள்ளது. இது கடந்த ஆண்டு இதே காலகட்டத்தில் ரூ. 2 ஆயிரத்து 848 கோடியே 96 லட்சமாக இருந்தது. முத்திரை மற்றும் பதிவு கட்டணங்கள் மூலம் கிடைத்த வருவாய் 19.3 சத விகிதம் அதிகரித்து ரூ. 5 ஆயி ரத்து 868 கோடியே 88 லட்சமாக உள்ளது. இது கடந்த ஆண்டு ரூ. 4 ஆயிரத்து 918 கோடியே 51 லட்ச மாக இருந்தது. மாநில கலால் வரிகள் (மதுபான விற்பனை மூலம்) ரூ. 2 ஆயிரத்து 791 கோடியே 53 லட்சத்திலிருந்து ரூ. 2 ஆயிரத்து 904 கோடியே 47 லட்சமாக உயர்ந்துள்ளது. விற்பனை மற்றும் வர்த்தகம் மீதான வரிகள் (பெட்ரோல், டீசல் மற்றும் மதுபானங்கள் மீதான VAT உட்பட) 7.8 சதவிகிதம் அதிகரித்து ரூ. 14 ஆயிரத்து 954 கோடியே 37 லட்ச மாக உயர்ந்துள்ளது. குறிப்பிடத் தக்க அளவில், நில வருவாய் ரூ. 156 கோடியே 55 லட்சத்திலிருந்து ரூ.51 கோடியே 83 லட்சமாகக் குறைந்துள்ளது. வரி அல்லாத வருவாய் ரூ. 3 ஆயிரத்து 946 கோடி யே 26 லட்சத்திலிருந்து ரூ. 2 ஆயி ரத்து 895 கோடியே 70 லட்சமாகக் குறைந்துள்ளது. சொந்த வரி வருவாய், மத்திய வரிகளின் பங்கு, வரி அல்லாத வருவாய் மற்றும் மானிய உதவி கள் ஆகியவற்றின் பங்களிப்புடன், தமிழ்நாட்டின் மொத்த வருவாய் வரவுகள் 2025-2026 நிதியாண்டின் முதல் காலாண்டில் 14.9 சத விகிதம் அதிகரித்து ரூ. 63 ஆயி ரத்து 755 கோடியே 70 லட்சமாக உயர்ந்துள்ளது. கடந்த ஆண்டு இது ரூ. 55 ஆயிரத்து 467 கோடியே 63 லட்சமாக இருந்தது. மத்திய வரிகளில் மாநிலத்தின் பங்கு கடந்த ஆண்டில் ரூ. 11 ஆயிரத்து 400 கோடியே 88 லட்ச மாக இருந்தது, 16.6 சதவிகிதம் அதி கரித்து ரூ. 13 ஆயிரத்து 296 கோடியே 29 லட்சமாக உயர்ந்துள்ளது.