எஸ்ஐஆர் படிவம் சமர்ப்பிக்க டிச.11 வரை அவகாசம்
சென்னை, நவ.30 - வாக்காளர் சிறப்பு தீவிர திருத்த நடைமுறையான எஸ்ஐஆர் படி வத்தை பூர்த்தி செய்து ஒப்படைப்ப தற்கான கால அவகாசம் டிசம்பர் 11ஆம் தேதி வரை நீட்டிக்கப் பட்டுள்ளதாக தேர்தல் ஆணையம் அறிவித்துள்ளது. முன்னதாக, எஸ்ஐஆர் படி வத்தை ஒப்படைப்பதற்கான கடைசி தேதி டிசம்பர் 4 என்று அறிவிக்கப் பட்டிருந்தது. தற்போது இந்த காலக் கெடுவை டிசம்பர் 11ஆம் தேதி வரை நீட்டித்து தேர்தல் ஆணையம் உத்தரவிட்டுள்ளது. வரைவு வாக்காளர் பட்டியல் டிசம்பர் 16ஆம் தேதியும், இறுதி வாக்காளர் பட்டியல் பிப்ரவரி 14ஆம் தேதியும் வெளியிடப்படும் என தேர்தல் ஆணையம் தெரிவித்துள்ளது. தமிழகத்தில் வாக்காளர் பட்டியல் சிறப்பு தீவிர திருத்தப் பணிகள் கடந்த நவ.4 ஆம் தேதி முதல் தொடங்கி நடை பெற்று வருகின்றன. இந்தப் பணிக்காக தமிழ்நாட்டின் 6.41 கோடி வாக்கா ளர்களில் 6.23 கோடி பேருக்கு கணக் கீட்டுப் படிவங்கள் விநியோகிக்க பட்டுவிட்டதாகத் தெரிவிக்கப் பட்டுள்ளது. கணக்கீட்டுப் படிவங்களைப் பெற்றுக் கொண்ட வாக்காளர்கள் தங்கள் படிவங்களை பூர்த்தி செய்து டிசம்பர் 11ஆம் தேதி வரை பிஎல்ஓக் கள் அல்லது வாக்காளர் உதவி மையத்தில் சமர்ப்பிக்கலாம். கணக்கீட்டுப் படிவங்களைப் பூர்த்தி செய்து ஒப்படைத்துள்ள அனைத்து வாக்காளர்களின் பெயர்களும் டிசம்பர் 16-இல் வெளியிடப்படும்; வரைவு வாக்காளர் பட்டியலில் இடம்பெறும். டிசம்பர் 11-க்குள் கணக்கீட்டுப் படிவத்தை சமர்ப்பிக்காத பட்சத்தில், அந்த வாக்காளரின் பெயர் வரைவு வாக்காளர் பட்டியலில் இடம் பெறாது என எச்சரிக்கப்பட்டுள்ளது. மூன்று முறை வீடு தேடி சென்றும் கணக்கீட்டுப் படிவம் வழங்க முடியாத வாக்காளர்களின் பெயர்களும் வரைவு வாக்காளர் பட்டியலில் இடம் பெறாது. வரைவு வாக்காளர் பட்டியலில் ஒரு வாக்காளரின் பெயர் இல்லையெனில், உரிமைகோரல் மற்றும் மறுப்புரை காலத்தில் படிவம் 6 உடன் உறுதிமொழிப் படிவத்தை இணைத்து அவரது பெயரைப் புதிதாக வாக்காளர் பட்டியலில் சேர்க்க விண்ணப்பிக்கலாம். இறுதி வாக்காளர் பட்டியல் பிப்ரவரி 14 ஆம் தேதி வெளியிடப்படும் என தெரி விக்கப்பட்டுள்ளது.