டிட்வா புயல் தாக்கம் தமிழ்நாட்டில் 3 பேர் பலி 56,000 ஹெக்டேர் விவசாய நிலங்கள் பாதிப்பு
சென்னை, நவ.30- இலங்கையில் பேரழிவை ஏற்படுத் திய டிட்வா புயல், தமிழ்நாட்டின் கடற்கரையை ஒட்டி, அதற்கு இணை யாக வடக்கு நோக்கி நகர்ந்தது. இதன் எதிரொலியாக தமிழ்நாட்டில், குறிப்பாக காவிரி டெல்டா மாவட்டங்களில் தீவிர கனமழையாக கொட்டி தீர்த்தது. இந்தப் புயலின் தாக்கத்தால் வட தமிழகத்தில் அநேக இடங்களிலும், தென் தமிழகத்தில் ஓரிரு இடங்களி லும், புதுச்சேரி மற்றும் காரைக்கால் பகுதிகளிலும் இடி, மின்னலுடன் கூடிய மிதமான மழையும், திருவள்ளூர், ராணிப்பேட்டை மாவட்டங்களில் அதீத அளவிலும் கனமழை பெய்தது. குறிப்பாக சென்னை, காஞ்சி புரம், செங்கல்பட்டு, விழுப்புரம், திரு வண்ணாமலை, வேலூர், திருப்பத் தூர், கிருஷ்ணகிரி, தருமபுரி, அரிய லூர், புதுக்கோட்டை மாவட்டங்களில் மிக பலத்த மழைக்கான ஆரஞ்சு எச்ச ரிக்கையுடனும், சேலம், கள்ளக் குறிச்சி, கடலூர் மாவட்டங்கள் மற்றும் புதுச்சேரியில் பலத்த மழைக்கு மஞ்சள் எச்சரிக்கையுடனும் கடலோரப் பகுதி களில் மணிக்கு 75 முதல் 80 கிலோ மீட்டர் வேகத்தில் பலத்த காற்று கனமழை பெய்தது.
மாவட்டங்களில் நிலவரம் சென்னை வானிலை ஆய்வு மையம் அறிவிப்பின்படி, தஞ்சா வூரில் கடந்த 2 நாட்களாக பெய்த கன மழையால், நகர் பகுதியில் முழங்கால் அளவிற்கு மழை நீர் குடியிருப்பு பகுதி களைச் சூழ்ந்துள்ளது. தண்ணீர் அதி களவில் தேங்கியுள்ளதால், மக்கள் வீடு களை விட்டு வெளியே வர முடிய வில்லை. கடலூர் மாவட்டம் முழு வதுமே பலத்த காற்று வீசியது. கடலும் சீற்றமாக காணப்பட்டது. மாவட்டம் முழுவதும் ஆங்காங்கே பலத்த மழை கொட்டி தீர்த்தது. மயிலாடுதுறை மாவட்டத்தில் கடல் கடுமையான சீற்றத்துடன் இருந்தது. தரங்கம்பாடி கடற்கரையில் கடல் அலைகள் சுமார் 10 அடிக்கு மேல் எழும்பின. மீனவர்கள் கரைகளில் பாதுகாப்பாக படகுகளை நிறுத்தி விட்டு வீடுகளிலேயே முடங்கி உள்ளனர். திருவாரூர் மாவட்டம் முழு வதும் மழை தொடர்கிறது. மன்னார்குடி சுற்றுவட்டாரப் பகுதிகளில் நூற்றுக் கணக்கான ஏக்கரில் நெற்பயிர்கள் சேதமடைந்திருக்கின்றன. ஏற்கனவே பெய்த கனமழையின் காரணமாக குளம்போல் தேங்கியிருந்த மழை நீர் இன்னும் வடியாத நிலையில், தற் போது மீண்டும் கனமழை நீடிக்கிறது. இதனால் விவசாயிகள் மழை நீரை வடிய வைக்க முடியாமல் பரிதவித்து உள்ளனர். பாதிக்கப்பட்ட பயிர்களை வேளாண்துறை அதிகாரிகள் உடனடி யாகக் கணக்கெடுத்து அதற்குரிய நிவா ரணம் வழங்க வேண்டும் என விவசாயி கள் கோரிக்கை வைத்துள்ளனர். விழுப்புரம் மாவட்டத்தில் இரண்டு நாட்களாக பலத்த மழை கொட்டி தீர்த்தது. 10 தீயணைப்பு நிலையங்களி லும் சுமார் 200 வீரர்கள் விடுப்பு எடுக்கா மல் தயாராக இருந்தனர்.
ஐந்து ரப்பர் படகுகள், மரம் அறுக்கும் கருவி கள் உள்பட அனைத்து மீட்பு உபகர ணங்களும் தயாராக வைக்கப் பட்டுள்ளன. இருபதுக்கும் மேற்பட்ட நீச்சல் வீரர்களும் பணியில் ஈடுபடுத்தப் பட்டுள்ளனர். புயல் காரணமாக மாவட்டத்தில் ஏதேனும் அவசர நிலை ஏற்பட்டால், பொதுமக்கள் 112 என்ற அவசர எண்ணுக்குத் தொடர்பு கொண்டு உதவி பெறலாம். புதுச்சேரியில் 7.3 செண்டிமீட்டர் மழை பதிவாகியது. கடல் கடும் சீற்றத் துடன் காணப்படுகிறது. கடல் அலை கள் 2 மீட்டர் உயரம் வரை ஆர்ப்ப ரித்துக் கொண்டு ஆக்ரோஷமாக கரையை நோக்கி வந்தன. புதுச்சேரி துறைமுகத்தில் ஐந்தாம் எண் புயல் எச்சரிக்கை கூண்டு ஏற்றப்பட்டது. கடல் சீற்றத்துடன் காணப்படுவதால் கடற்கரை சாலை மூடப்பட்டது. காரைக்கால் நகரின் பல இடங் களில் மழை வெள்ளம் சூழ்ந்தது. இரு தினங்களாக காற்று பலமாக வீசு கிறது. காரைக்கால் பாரதியார் வீதி உள்ள பகுதியில் பழமையான மரம் ஒன்று வேரோடு சாய்ந்தது. தகவ லறிந்து சென்ற தீயணைப்புத்துறை யினர், காரைக்கால் மாவட்ட குடிமை பாதுகாப்பு படை மற்றும் தன்னார்வ லர்கள் உதவியுடன் மரத்தை வெட்டி அப்புறப்படுத்தினர். உயிரிழப்பு - சேதங்கள் தமிழகத்தில் இதுவரை 3 பேர் உயி ரிழந்துள்ளனர் என்று வருவாய் மற்றும் பேரிடர் மேலாண்மை அமைச்சர் கே.கே.எஸ்.எஸ்.ஆர். ராமச்சந்திரன் அறிக்கை ஒன்றில் தெரிவித்துள்ளார்.
தூத்துக்குடியில் சுவர் இடிந்து ஒருவர், தஞ்சாவூரில் சுவர் இடிந்து ஒருவர், மயிலாடுதுறையில் மின்சா ரம் தாக்கி 20 வயது இளைஞர் ஒரு வர் என மூன்று பேர் உயிரிழந்துள்ள னர். மேலும் 149 கால்நடைகள் உயிரி ழந்துள்ளன. கனமழை மற்றும் சூறைக் காற்று காரணமாக 234 குடிசைகள் மற்றும் வீடுகள் சேதமடைந்துள்ளன என்றும் அமைச்சர் தெரிவித்துள்ளார். தற்போது வரை 38 நிவாரண முகாம் கள் அமைக்கப்பட்டு 2,391 பேர் தங்கவைக்கப்பட்டுள்ளனர். மீட்புப் பணிக்காக மாநில பேரிடர் மீட்பு பணியின் 16 குழுக்களும், தேசிய பேரிடர் மீட்பு பணியின் 12 குழுக்களும் கடலோர மாவட்டங்களுக்கு அனுப்பப்பட்டுள்ளன. கூடுதலாக 10 தேசிய பேரிடர் மீட்புக் குழுவினர் வரவழைக்க ஏற்பாடு செய்யப்பட்டுள்ளது. மீட்புப்பணிகளுக்காக 1,185 படகுகள் தயார் நிலையில் வைக்கப்பட்டுள்ளன என்றும் அமைச்சர் கூறியுள்ளார். துணை முதலமைச்சர் ஆய்வு சனிக்கிழமை நள்ளிரவு பேரிடர் மேலாண்மை கட்டுப்பாட்டு அறை மற்றும் சென்னை மாநகராட்சி கட்டுப்பாட்டு அறைகளுக்குச் சென்ற துணை முதலமைச்சர் உதயநிதி ஸ்டாலின் ஆய்வு செய்தார்.
பின்னர், அதிகாரிகளிடம் பொது மக்களின் பாதுகாப்பை உறுதிசெய்யவும், நிவாரணப் பணிகளை மேற்கொள்ளவும் அறிவுறுத்தினார். அவருடன் பேரிடர் மேலாண்மைத் துறை அமைச்சர் ராமச்சந்திரனும் ஆய்வு மேற்கொண்டார். டெல்டா மாவட்டங்களின் சூழலைப் பொறுத்து முதலமைச்சர் ஸ்டாலின் நேரில் சென்று ஆய்வு செய்வார் அல்லது அமைச்சர்களை அனுப்பி வைப்பார் என்று துணை முதலமைச்சர் உதயநிதி தெரிவித்தார். ஓரிரு நாட்களில் நிச்சயமாக டெல்டா பகுதிகளுக்கு சென்று ஆய்வு செய்வோம் என்றும் அவர் கூறினார். போக்குவரத்து பாதிப்புகள் புயல் எச்சரிக்கையால் சென்னை விமான நிலையத்தில் இருந்து தூத்துக்குடி, மதுரை, திருச்சி ஆகிய நகரங்களுக்கு 18 விமானங்களும், திரும்பும் விமானங்கள் 18 என மொத்தம் 36 விமானங்கள் ரத்து செய்யப்பட்டன. அதே போல சென்னை-கொழும்பு, சென்னை-யாழ்ப்பாணம் இடையே 11 விமானங்கள் ரத்து செய்யப்பட்டன. புயலின் வேகமும் மழையும் குறைந்ததை அடுத்து ஞாயிற்றுக்கிழமை சென்னை விமான நிலையத்தில் இருந்து தூத்துக்குடி, மதுரை, திருச்சிக்கு விமானங்கள் வழக்கம் போல் இயக்கப்பட்டன. சென்னை-யாழ்ப்பாணம் இடையே இயக்கப்படும் 2 விமானங்கள் மட்டும் ஞாயிறன்று ரத்து செய்யப்பட்டன.
புதுச்சேரியில் நவ.29, 30 அன்று விமான சேவைகள் ரத்து செய்யப்பட்டன. தயார் நிலையில் ரயில்வே தெற்கு ரயில்வேயின் சென்னை கோட்டம் விரிவான முன்னெச்சரிக்கை நடவடிக்கைகளை மேற்கொண்டுள்ளது. கோட்ட அவசர கால கட்டுப்பாட்டு அறை திறக்கப்பட்டுள்ளது. முக்கிய ரயில் நிலையங்கள், பாலங்கள், மதகுகள், தாழ்வானப் பகுதி களை உயர் அதிகாரிகள் ஆய்வு செய்துள் ளனர். சென்னை சென்ட்ரல், செங்கல்பட்டு, ஜோலார்பேட்டை ஆகிய இடங்களில் விபத்து நிவாரண ரயில்கள் தயார் நிலையில் உள்ளன. மின் இணைப்புகளை சரிசெய்ய டவர் வேகன்கள் மற்றும் டீசல் என்ஜின்கள் முக்கிய இடங்களில் நிறுத்தி வைக்கப்பட்டுள்ளன. குறைந்தது 72 மணி நேரத்திற்கு தேவையான டீசல் இருப்பு உறுதி செய்யப்பட்டுள்ளது. பாதுகாப்பு கருதி தேவைப்பட்டால் சில பகுதிகளில் ரயில் சேவைகள் நிறுத்தப்படலாம் என்று சென்னை கோட்ட ரயில்வே மேலாளர் சைலேந்திர சிங் தெரிவித்தார். 56 ஆயிரம் ஹெக்டேர் நிலங்கள் பாதிப்பு மழை வெள்ள பாதிப்பு குறித்து செய்தியாளர்களிடம் பேசிய அமைச்சர் கே.கே.எஸ்.எஸ்.ஆர். ராமச்சந்திரன், “டிட்வா புயல் கனமழையால் சுமார் 56 ஆயிரம் ஹெக்டேர் விவசாய நிலங்கள் மழைநீரில் மூழ்கியுள்ளன.
குறிப்பாக நாகப்பட்டினம் மாவட்டத்தில் 24 ஆயிரம் ஹெக்டேர், திருவாரூரில் 15 ஆயிரம் ஹெக்டேர், மயிலாடுதுறையில் 8 ஆயிரம் ஹெக்டேர் விவசாய நிலங்கள் பாதிக்கப்பட்டுள்ளன. டெல்டா மாவட்டங்களான தஞ்சாவூர், திருவாரூர், நாகப்பட்டினம், மயிலாடு துறை பகுதிகளில் ஒரு லட்சம் ஏக்கருக்கும் மேல் சம்பா மற்றும் தாளடி நெல் பயிர்கள் நீரில் மூழ்கியுள்ளன. நாகப்பட்டினம் மாவட்டத்தில் வேதாரண்யம் பகுதியில் மட்டும் 25 செண்டிமீட்டர் மழை பதிவாகி யுள்ளது. பல இடங்களில் வயல்களில் இடுப்பளவு தண்ணீர் தேங்கி பயிர்கள் அழுகும் நிலை ஏற்பட்டுள்ளது. முத்துப்பேட்டை, திருத்துறைப்பூண்டி, கோட்டூர், நன்னிலம் உள்ளிட்ட இடங்களில் தாழ்வான பகுதிகளில் வசிக்கும் நூற்றுக்கும் மேற்பட்டோர் மீட்கப்பட்டு நிவாரண முகாம்களில் தங்க வைக்கப்பட்டுள்ளனர். விவசாய நிலங்களுக்கான நிவாரணம் குறித்து முதலமைச்சர் ஸ்டாலின் முடிவெடுப்பார்” என்றார்.