காஞ்சிபுரம், மே 26-அரசுப் பள்ளிகளை பாதுகாக்க வலியுறுத்தி இந்திய மாணவர் சங்கம்சார்பில் 4 முனைகளிலிருந்து திருச்சியைநோக்கி சைக்கிள் பிரச்சாராம் நடைபெற்று வருகிறது. அதன் ஒரு பகுதியாக சென்னையிலிருந்து மாணவர் சங்கச் செயலாளர் வீ.மாரியப்பன் தலைமையில் புறப்பட்ட பிரச்சாரக்குழு ஊரப்பாக்கம், கூடுவாஞ்சேரி, மறைமலைநகர், சிங்கப்பெருமாள்கோவில் வழியாக செங்கல்பட்டுவந்தடைந்தது.இரண்டாவது நாள் ஞாயிற்றுக்கிழமை (மே 26) செங்கல்பட்டு பழைய பேருந்து நிலையம் அருகிலிருந்து பயணத்தை துவக்கிய பிரச்சார பயணக்குழுவுக்கு காஞ்சி மாவட்டச் செயலாளர் தமிழ்பாரதி தலைமை தாங்கினார். தமுஎகசவின் முன்னாள் மாநிலத் தலைவர் டி.லட்சுமணன் கொடி அசைத்து துவக்கி வைத்தார். சிபிஎம் மாவட்டச் செயலாளர் இ.சங்கர், மாநிலக்குழு உறுப்பினர் வா.பிரமிளா ஆகியோர் பேசினர்.செங்கல்பட்டிலிருந்து மருத்துவக்கல்லூரி, ஐடிஐ வழியாக, மாமண்டூர்,படாளம் கூட்டுச்சாலை,மேலவலம்பேட்டை, கருங்குழி மதுராந்தகம், செங்குந்தர்பேட்டை, சோத்துப்பாக்கம், மேல்மருவத்தூர் வழியாக அச்சிறுபாக்கத்தை வந்தடைந்தது. முன்னதாக காமராஜர் சிலைக்கு மாநிலச் செயலாளர் மாரியப்பன் மாலை அணிவித்தார்.
