இந்தியா ஓபன் சர்வதேச குத்துச்சண்டை தொடர் துவங்குகிறது

இந்தியா நடத்தும் 2வது சர்வதேச குத்துச்சண்டை தொடரான இந்தியா ஓபன் இன்று துவங்குகிறது.

உலகம் முழுவதும் உள்ள 16 நாடுகள் பங்கேற்கும் இந்தியா ஓபன் சர்வதேச குத்துச்சண்டை தொடரின் லீக் போட்டிகள் இன்று அசாம் மாநிலம் கௌஹாத்தியில் உள்ள சாருசஜாய் விளையாட்டு அரங்கில் மாலை 6 மணிக்கு துவங்குகிறது. இந்த தொடரில் ஆடவருக்கு 10 பிரிவுகள் மற்றும் மகளிருக்கு 8 பிரிவுகள் என மொத்தம் 18 பிரிவுகளில் 200 குத்துச்சண்டை வீரர்கள் பங்கேற்கவுள்ளனர்.

இந்தியா சார்பில் 38 ஆண்களும், 37 பெண்களும் இந்த தொடரில் பங்கேற்கின்றனர். இந்தியா ஓபன் குத்துச்சண்டைத் தொடரின் இறுதிப்போட்டி வருகின்ற மே மாதம் 24ம் தேதி நடைபெறவுள்ளது.