மருத்துவத் துறையில் நடக்கும் தில்லு முல்லுகள் பற்றி அங்கொன்றும், இங்கொன்றுமாக விவாதிக்கப்பட்ட விஷ யங்கள் இப்போது பொதுவெளிக்கு வந்தி ருக்கிறது. அதுவும் இரண்டு மூத்த மருத்து வர்கள் மூலம். மருத்துவர்கள் அருண் காத்ரே மற்றும் அபய் சுக்லே ஆகியோர் ‘Dissenting Diagonisis’ (‘முரண்படும் பகுப்பாய்வுகள்’) என்ற தலைப்பில் ஒரு புத்தகத்தை எழுதி இருக்கிறார்கள். மருத்துவத்துறையின் இருட்டுப் பக்கங்களை வெளிச்சத்திற்கு கொண்டு வந்திருக்கிறார்கள் என்பது தான் இந்த புத்தகத்தின் உள்ளடக்கம். நோயாளிகளின் நலன் அல்ல; பங்குதாரர்களின் நலனே முக்கியம் மருத்துவ வரலாற்றில் இந்தியா, குறிப்பாக சென்னை தலைநகர் கோலோச்சுகிறது’ என்று இங்குள்ள கார்ப்பரேட் மருத்துவமனைகள் பிதற்றிக் கொள்ளும் இந்த தருணத்தில், இந்த புத்தகத்தின் உள்ளடக்கம் மிகுந்த முக்கி யத்துவம் பெறுகிறது.
இந்த புத்தகத்தின் ஆசிரியர்களான மருத்து வர்கள் அருண் காத்ரே மற்றும் அபய் சுக்லே முன் வைக்கும் முக்கிய குற்றச்சாட்டு, இங்குள்ள பெரிய மருத்துவமனைகள் நோயா ளிகளின் நலன்களுக்காக இயங்குவதை விட, அதன் பங்குதாரர்களின் நலனுக்காகதான் இயங்குகின்றன என்பதுதான் இதன் சாரம். இவர்கள் எந்த குற்றச்சாட்டையும் மேம்போக் காக கூறவில்லை. பாதிக்கப்பட்ட நோயாளிகள், நேர்மை யான மருத்துவர்களின் வாக்குமூலங்களைக் கொண்டே பதிவு செய்திருக்கிறார்கள். நம் அனைவருக்கும் ஒரு அனுபவம் நிச்ச யம் இருக்கலாம். தேவையற்ற பரிசோதனை களை மருத்துவர்கள் எடுக்க சொல்கிறார்கள். பரிசோதனைகள் பாமரனின் பர்ஸை மட்டும் பதம் பார்க்கவில்லை; நோயாளிகளிடமிருந்து சேகரிக்கும் ரத்த மாதிரிகளை உண்மையாக பரிசோதிப்பதே இல்லை என்று அந்த இரண்டு மருத்துவர்களும் பதிவு செய்கின்றனர். அதோடு மருத்துவர்கள் எது மாதிரியான அறிக்கையை விரும்புகிறார்களோ. அதைத் தான் இவர்கள் தயார் செய்து தருகிறார்கள் என்கின்றனர். இப்போது உங்கள் சொந்த அனு பவங்களை இந்த வாக்கியத்துடன் ஒப்பிட்டுக் கொள்ளுங்கள். பெரும் மருத்துவமனைகள், இலாப இலக்கு நிர்ணயத்துக் கொண்டு வேலை செய் கின்றன. அவர்களுக்கு எப்போதும் அப்பாவி நோயாளிகளின் நலன் முக்கியமே இல்லை... லாபம், கொள்ளை லாபம் மட்டுமே முக்கிய மாக இருந்து வருகிறது என்கிறார்கள் நூலா சிரியர்கள்.
நியாயமான மருத்துவர்களை உதாசீனம் செய்யும் மருத்துவமனைகள்
ஒரு பிரபலமான மருத்துவமனை தன் மருத்துவமனையில் வேலை பார்த்த சிறந்த சிறுநீரக சிறப்பு மருத்துவரை பணி நீக்கம் செய்தது. அதற்கான காரணம், ஒரு நோயா ளிக்கு அதிகம் லாபம் தரும் ஒரு அறுவை சிகிச்சையை செய்யாமல், சாதாரண சிகிச்சை மூலம் குணப்படுத்தியது. ‘‘இது கார்ப்பரேட் மருத்துவமனைகள் எவ்வளவு வக்கிர மனநிலையில் செயல்படுகிறது என்பதற்கான சான்று’’ என்கிறார்கள் இந்த மருத்துவர்கள். ‘‘லாபத்தை முதன்மையான நோக்கமாக கொண்ட மருத்துவமனைகள் அனைத்தும் இப்படித்தான் செயல்படுகின்றன. அவர் களுக்கு நோயாளிகளின் நலன் முக்கியம் அல்ல. லாபத்திற்காக தேவையற்ற அறுவை சிகிச்சைகள் மற்றும் மருந்துகளை தன்னை நம்பி வரும் நோயாளிக்கு அளிக்கின்றன’’ என்று வருத்தத்துடன் குறிப்பிட்டுள்ளார்கள். மருத்துவர் சுக்லே கூறும் ஒரு உண்மை சம்பவம் எனக்கு தெரிந்த ஒருவர்,தனக்கு சொந்தமான வீட்டை விற்று,தன் மனைவிக் கான மருத்துவ கட்டணமான ரூபாய் 42 லட்சத்தை கட்டினார். ஆனால், உண்மையில் அந்த சிகிச்சைக்கு அவ்வளவு கட்டணமெல் லாம் இல்லை என்று குறிப்பிடுகிறார். இதைத்தாண்டி இவர்கள் வைக்கும் இன்னொரு குற்றச்சாட்டு பகீரென்று இருக்கி றது. சில மருத்துவமனைகள் உண்மையில் அறுவை சிகிச்சையே செய்யாமல்,வெறும் மயக்க மருந்தை மட்டும் கொடுத்துவிட்டு, அறுவை சிகிச்சை செய்துவிட்டோமென்று பணம் பறிக்கிறார்கள்.
கொல்கத்தாவை சேர்ந்த புண்யபிரதா கூன் என்னும் மருத்துவர், எங்கள் பகுதியில் மருத்து வர்களுக்கு நியாயமாக மருத்துவம் பார்த்து ஈட்டும் தொகையை விட, ஆய்வு மையங்கள் அளிக்கும் பங்கு தொகை அதிகம். எக்ஸ்ரே எடுக்க பரிந்துரைத்தால் 25 சதவீதமும், எம்ஆர்ஐ, சிடி ஸ்கேன் எடுக்க பரிந்து ரைத்தால் 33 சதவீதமும் கமிஷன் தருகிறார் கள்’’ என்று தன் அனுபவத்தை இந்த புத்த கத்தில் பதிவு செய்திருக்கிறார். தன்னிடம் சிகிச்சைக்கு வரும் நோயாளி களை, தங்களின் தொடர் வாடிக்கையாளர் களாக வைத்துக் கொள்ளத் தான் பல மருத்துவமனைகள் விரும்புகின்றன. தேவை யற்ற அறுவை சிகிச்சைகள், மருந்துகளை பரிந்துரைத்து, நோயாளிகளை மீண்டும் மீண்டும் திரும்ப வரவைக்க வேண்டும். அதை மருத்துவர்கள் செய்யத் தவறும் போது, அவர்கள் பணி நீக்கம் செய்யப்படுகிறார்கள்” என்று இந்த புத்தகத்தில் குறிப்பிடப்பட்டுள்ள வரிகளை நாம் சாதாரணமாக கடந்துவிட முடியாது. இந்திய மருத்துவ கவுன்சில் என்ன செய்து கொண்டிருக்கிறது என்ற நம் கேள்விக்கு இந்த மருத்துவர்களின் பதில், ‘‘பெரும் மருத்து வமனைகள் மருத்துவத் துறையை திட்டமிட்டு கொலை செய்து கொண்டிருக்கிறார்கள்.ஆனால்,இதை மெளனமாக இந்திய மருத்து வக் கவுன்சில் வேடிக்கை பார்த்து கொண்டி ருக்கிறது. உடனடியாக மருத்துவக் கவுன்சில் தன்னை புதுப்பித்துக் கொண்டு,இந்த அநியாயங்களை தடுத்து நிறுத்த வேண்டும்’’ என்பதுதான். இந்திய மருத்துவ துறையின் இன்றைய வணிக மதிப்பு 100 பில்லியன் அமெரிக்க டாலர்கள்.இது 2030-ம் ஆண்டு 280 பில்லியன் அமெரிக்க டாலர்களாக இருக்கப்போகிறது என்கிற விபரங்களே, இதில் உள்ள அரசிய லையும், அக்கிரமங்களையும் நமக்கு உணர்த்துகிறது.