செவ்வாய், ஜனவரி 26, 2021

tamilnadu

img

சர்க்கரை அட்டையை அரிசியாக மாற்ற விண்ணப்பிக்கலாம்....

சென்னை:
சர்க்கரை விருப்ப குடும்ப அட்டைதாரர்கள் தங்கள் குடும்ப அட்டைகளை தகுதியின் அடிப்படையில் அரிசி ரேசன் அட்டையாக மாற்ற விரும்பினால் வருகிற 20 ஆம் தேதி வரை விண்ணப்பிக் கலாம் என்று தமிழக அரசு அறிவித்துள்ளது.தமிழக அரசின் பொது விநியோக திட்டத்தில் குடும்ப அட்டை வைத்துள்ள சர்க்கரை விருப்ப குடும்ப அட்டைதாரர்கள், அரிசி பெறக்கூடிய குடும்ப அட்டைகளாக மாற்றம் செய்து தரவேண்டும் என்று தமிழக அரசுக்கு கோரிக்கை வைத்தனர். அவர்களின் கோரிக்கையை ஏற்று சர்க்கரை குடும்ப அட்டைகளை அரிசி விருப்ப குடும்ப அட்டைகளாக மாற்றம் செய்திட கடந்த ஆண்டு நவம்பரில் முதலமைச்சர் எடப்பாடி பழனிசாமி உத்தரவிட்டார்.இதில் ஏராளமானவர்கள் அரிசி அட்டைகளாக மாற்றிக் கொண்டனர். அதன்பிறகு சில வாரங்கள் காலநீடிப்பும் வழங்கப் பட்டது.

இந்த நிலையில் மீண்டும் ஒரு வாய்ப்பு சர்க்கரை அட்டைதாரர் களுக்கு வழங்கப்பட் டுள்ளது. இதற்கான அறிவிப்பை  உணவுத்துறை அமைச்சர் ஆர்.காமராஜ் வெளியிட்டுள்ளார். அதில் அவர் கூறியிருப்பதாவது:-பொது விநியோக திட்டத்தில் தற்பொழுது 5,80,298 குடும்ப அட்டைகள் சர்க்கரை குடும்ப அட்டைகளாக உள்ளன. தங்கள் குடும்ப அட்டைகளை தகுதியின் அடிப்படையில் அரிசி குடும்ப அட்டைகளாக மாற்றம் செய்ய விரும்பினால், அதற்கான விண்ணப்பங்களை தங்களுடைய குடும்ப அட்டையின் நகலை இணைத்து, வருகிற 20 ஆம் தேதி வரை www.tnpds.gov.in என்ற இணைய முகவரியிலும், சம்மந்தப்பட்ட வட்ட வழங்கல் அலுவலர்கள் மற்றும் உதவி ஆணையர்களிடமும் சமர்ப்பிக்கலாம்.அவ்வாறு பெறப்படும் விண்ணப்பங்கள், உடனடியாக பரிசீலனை செய்யப்பட்டு, சர்க் கரை குடும்ப அட்டைகள், தகுதியின் அடிப்படையில் அரிசி குடும்ப அட்டைகளாக மாறுதல் செய்ய உரிய நடவடிக்கை எடுக்கப்படும்.இவ்வாறு அவர் கூறியுள்ளார்.ஆன்லைன் முறையில் விண்ணப்பிக்கலாம் அல்லது விண்ணப்பத்துடன் ஸ்மார்ட் கார்டு நகல் எடுத்து வட்ட வழங்கல் அலுவலரிடம் நேரடியாக அளிக்கலாம் என்றும் தெரிவிக்கப் பட்டுள்ளது.

;