ஊரகப் பகுதிகளில் ‘மக்களுடன் முதல்வர்’ தருமபுரியில் இன்று தொடக்கம்

சென்னை, ஜூலை 10- அன்றாடம் அரசுத்துறைகளை அணுகும் பொதுமக்க ளுக்கு அரசு அலுவலர்கள் வழங்கும் சேவைகளை மேலும் செம்மைப்படுத்தி அரசின் சேவைகள் விரைவாகவும் எளிதாகவும் சென்று சேர “மக்களுடன் முதல்வர்” என்னும்  புதிய திட்டம் தொடங்கப்பட்டது. இந்த திட்டத்தை முதலமைச்சர் மு.க.ஸ்டாலின் கடந்த டிசம்பர் மாதம் கோவை மாநகரில் தொடங்கி வைத்தார். முதற்கட்டமாக நகர்ப்புற உள்ளாட்சிகளுக்காக தொடங்கி வைக்கப்பட்ட “மக்களுடன் முதல்வர்” திட்டத்தில் மாநிலம்  முழுவதும் 2,058 முகாம்கள் நடத்தி, 8 லட்சத்து 74 ஆயிரம் மனுக்களுக்கு தீர்வு காணப்பட்டுள்ளது. நீண்ட நாட்களாக நிலுவையில் உள்ள கோரிக்கை களுக்கு கிடைத்த தீர்வினால் மக்கள் மகிழ்ச்சியில் உள்ள நிலையில், தற்போது இந்த திட்டம் ஊரகப் பகுதி வாழ் மக்களுக்கு நீடிக்கப்பட்டுள்ளது. அந்த வகையில் தருமபுரி யில் வியாழக்கிழமை (ஜூலை 11) நடைபெறும் நிகழ்ச்சியில் முதலமைச்சர் மு.க.ஸ்டாலின் இந்த திட்டத்தை தொடங்கி வைக்கிறார். இந்த திட்டத்தின் கீழ் கிராமப்புற மக்கள் அதிகம் அணுகும்  15 அரசுத் துறைகள் அடையாளம் காணப்பட்டு மாநிலம் முழு வதும் உள்ள 12,525 கிராம ஊராட்சி மக்கள் பயன்பெறும் வகையில் ஏறத்தாழ 2,500 முகாம்கள் நடத்த நடவடிக்கை மேற்கொள்ளப்பட்டு வருகிறது என்பது குறிப்பிடத்தக்கது.