ஏழைகளுக்கான உணவுத்திட்டம் நிறுத்தம்

சென்னை, ஜன.4-  ஒன்றிய அரசு ஏழைகளுக்கான உணவுத் திட்டம் நிறுத்தியதற்கு தமிழக காங்கிரஸ் கமிட்டி தலைவர் கே.எஸ்.அழகிரி கண்டனம் தெரி வித்துள்ளார். இதுகுறித்து அவர் வெளி யிட்டுள்ள அறிக்கையில், “தேசிய உணவு பாதுகாப்பு சட்டப்படி, பிரதமரின் ஏழைகளுக்கான உணவுத்  திட்டத்தில், கடந்த 2 ஆண்டுகளாக 10 கிலோ உணவு தானியங்களைப் பெற 81 கோடி இந்தியர்கள் தகுதி  பெற்றிருந்தனர். ஆனால், தற்போது  அவர்கள் 5 கிலோ  உணவு தானியங் களை மட்டுமே பெற முடியும். வழக்கம்போல் மாநில அரசுகளிடம் கலந்தாலோசிக்காமலும், நாடாளு மன்றத்தில் இது குறித்து விவாதிக் காமலும் இந்தத் திட்டத்தை ரத்து செய்து தன்னிச்சையான முடிவை பிரதமர் எடுத்துள்ளார். இத்தகைய முடிவின் மூலம் ரூ.1 லட்சம் கோடி  சேமித்து மோடி அரசு தான் உண்மை யான பயனாளராக மாறியிருக்கி றதே தவிர, குடும்ப அட்டைதாரர் கள் அல்ல. ஏழை மக்களுக்குத் தான்  கூடுதல் செலவு ஏற்படப் போகிறது. காங்கிரஸ் தலைமையிலான ஐக்கிய முற்போக்கு கூட்டணி ஆட்சி யிலிருந்ததை விட, ஒவ்வொரு அடிப்படை அத்தியாவசியப் பொருட்களின் விலையும் இன் றைக்குப் பெருமளவு உயர்ந்துள் ளது. பெரும்பாலான இந்தியர்களின் வருவாய் அதிகரிக்கவில்லை.

ஆனால் வேலையின்மை விகிதம் இதுவரையில்லாத அளவுக்குச் சாதனை படைத்துக் கொண்டிருக்கிறது. ஹங்கர் வாச் அமைப்பின் கணக்கெடுப்பின்படி, 80 விழுக்காடு மக்கள் உணவுக்கு உத்தரவாதம் இல்லாமல் இருப்பது தெரியவந்துள்ளது.  தேசிய உணவுப் பாதுகாப்புச் சட்டத்தின் கீழ், உணவு தானியங் களை இலவசமாக வழங்குவது இந்திய மக்களுக்கு அளிக்கும் பரிசு  அல்ல. அது அவர்களது உரிமை. 2021 ம் ஆண்டில் மக்கள் தொகை  கணக்கெடுப்பு எடுப்பதில் ஏற்பட்ட அளவுக்கு மீறிய தாமதம் காரண மாக, 10 கோடிக்கும் மேற்பட்ட மக்கள்  குடும்ப அட்டை இல்லாமல் இருக் கிறார்கள். அவர்களுக்கு உடனே குடும்ப அட்டை வழங்க வேண்டும். பசியோடு போராடும் புலம்பெயர்ந்த தொழிலாளர்களுக்கு குடும்ப அட்டை இல்லாவிட்டாலும் அவர்க ளுக்கு உணவுப் பொருட்கள் வழங்க  வேண்டும் என்று உச்ச நீதிமன்றம் உத்தரவிட்டது. 2021ம் ஆண்டு ஜூன்  மாதம் பிறப்பிக்கப்பட்ட இந்த உத்தரவைச் செயல்படுத்த மோடி  அரசு தவறிவிட்டது. இந்த உத்தரவை  உடனே செயல்படுத்த வேண்டும். தேசிய உணவுப் பாதுகாப்புச் சட்டத்தை மீறுவதை மோடி அரசு உடனடியாக நிறுத்த வேண்டும். இவ்வாறு அந்த அறிக்கையில் கூறியுள்ளார்.