மார்க்சிஸ்ட் கம்யூனிஸ்ட் கட்சியின் விழுப்புரம் மாவட்ட 24-வது மாநாடு அக். 24 வியாழனன்று துவங்கியது. மாநாட்டை கட்சியின் மாநிலச் செயலாளர் கே.பாலகிருஷ்ணன் தொடங்கி வைத்து உரையாற்றினார். தனது உரையில், கட்சியின் முன்னாள் மாவட்டத் தலைவர்களான கோவிந்தசாமி, நெடுஞ்சேரலாதன் ஆகியோரின் சேவைகளை நினைவு கூர்ந்தார். விழுப்புரத்தில் இரண்டாவது முறையாக மாநில மாநாடு நடைபெற உள்ளது என்றும், அதன் பின்னர் மதுரையில் ஐந்தாவது முறையாக அகில இந்திய மாநாடு நடைபெற உள்ளது என்றும் கூறினார். பாலஸ்தீன-இஸ்ரேல் மோதல் குறித்து பேசிய அவர், இஸ்ரேலின் தாக்குதல்களை கண்டித்தார். இந்தியாவில் பாஜக அரசு மதவெறியை தூண்டி வருவதாக குற்றம்சாட்டினார். வட இந்தியாவில் சிறுபான்மையினர் அச்சத்துடன் வாழ்வதாகவும், அவர்களின் வீடுகள் புல்டோசர் மூலம் இடிக்கப்படுவதாகவும் விமர்சித்தார். பாஜக ஆட்சியில் விவசாயிகள், தொழிலாளர்கள் பாதிக்கப்பட்டுள்ளதாகவும், கார்ப்பரேட் நிறுவனங்களுக்கு மட்டுமே ஆதரவாக செயல்படுவதாகவும் குற்றம்சாட்டினார். மூன்று வேளாண் சட்டங்களை விவசாயிகள் போராடி தடுத்து நிறுத்தியதை சுட்டிக்காட்டினார். தமிழ்நாட்டில் திமுக கூட்டணி ஆட்சியில் பல திட்டங்கள் நிறைவேற்றப்பட்டுள்ளதாக பாராட்டினார். அதேநேரம் நிரந்தர வேலை வாய்ப்பு வழங்காததை விமர்சித்தார். சாம்சங் தொழிலாளர் போராட்டம் உள்ளிட்டவற்றை எடுத்துக்காட்டினார். சாதி ஒழிப்பு குறித்தும் பேசிய அவர், தமிழகத்தில் தீண்டாமை இன்னும் நீடிப்பதை சுட்டிக்காட்டினார். விழுப்புரம் மாவட்டம் மேல்பாதி கிராமத்தில் தீண்டாமை காரணமாக கோயில் பூட்டப்பட்டுள்ளதை எடுத்துக்காட்டி, இதுபோன்ற பிரச்சனைகளை களைய வேண்டும் என்று வலியுறுத்தினார். மேலும் அவரது உரையின் முக்கிய அம்சங்கள் வருமாறு:
கட்சியின் ஜனநாயக பண்புகள்
l மார்க்சிஸ்ட் கட்சியில் அனைத்து உறுப்பினர் களும் கருத்து சொல்லும் உரிமை பெற்றவர்கள்.
l தலைமையையும் கேள்வி கேட்கும் உரிமை உண்டு.
l உட்கட்சி ஜனநாயகம் முழுமையாக பாதுகாக்கப்படுகிறது.
l யாருக்கும் யாரும் அடிபணிய வேண்டிய அவசியமில்லை.பாஜக எதிர்ப்பு நிலைப்பாடு
l 1952 முதல் இன்று வரை பாஜகவுடன் கூட்டணி வைக்காத ஒரே கட்சி மார்க்சிஸ்ட் கட்சி.
l பாஜக ஒரு அரசியல் கட்சி அல்ல, மதவெறி அமைப்பு.
l மதவாத அரசியலை எதிர்த்து தொடர் போராட்டம்.தற்போதைய அரசியல் சூழல்
l இந்தியா கூட்டணி அமைப்பதில் தமிழகம் முன்னோடி.
l மதச்சார்பற்ற கட்சிகள் ஒன்றிணைந்து பாஜக பலத்தை குறைத்துள்ளன.
l தமிழகத்தில் பாஜக காலூன்ற முடியாமல் தடுத்து வருகிறோம்.சமூக பிரச்சனைகள்
l தீண்டாமை இன்னும் நீடிக்கிறது.
l பட்டியலின மக்கள் மீதான வன்முறைகள் தொடர்கின்றன.
l சாதி ஆதிக்கம் அதிகரித்துள்ளது.
l சமூக ஒற்றுமைக்கான போராட்டங்கள் தேவை.எதிர்கால திட்டங்கள்
l மதவெறி எதிர்ப்பு பிரச்சாரம் தீவிரப்படுத்தப் படும்.
l சமூக ஒற்றுமைக்கான நடவடிக்கைகள் மேற்கொள்ளப்படும்.
l தொழிலாளர் நலனுக்கான போராட்டங்கள் தொடரும்.
l பட்டியலின மக்கள் நலனுக்கான சிறப்பு கவனம்.இவ்வாறு கே.பாலகிருஷ்ணன் பேசினார்.