கர்நாடகாவில் எச்3என்2 வைரஸ் தொற்று காரணமாக 82 வயது முதியவர் உயிரிழந்துள்ளார்.
இந்தியாவில் புதிய எச்3என்2 வகை இன்ஃப்ளூயன்ஸா வைரஸ் பரவி வருகிறது. இதுவரை 90 பேருக்கு இன்ஃப்ளூயன்ஸா வைரஸ் பாதிக்கப்பட்டுள்ளதாகவும், இதன் துணை வகையான எச்1என்1 வைரசால் 8 பேர் பாதிக்கப்பட்டுள்ளதாகவும் கூறப்படுகிறது. இந்த நிலையில், கர்நாடக மாநிலம் ஆசானில் புதிய வகை எச்3என்2 வகை இன்ஃப்ளூயன்ஸா வைரஸ் தொற்று காரணமாக 82 வயது முதியவர் உயிரிழந்துள்ளதாக அம்மாநில சுகாதாரத்துறை அதிகாரி தெரிவித்துள்ளார்.
அந்த முதியவர் கடந்த பிப்ரவரி 24-ஆம் தேதி மருத்துவமனையில் அனுமதிக்கப்பட்டதாகவும், மார்ச் 1-ஆம் தேதி அவர் உயிரிழந்துள்ளதுள்ளதாகவும் அந்த அதிகாரி தெரிவித்துள்ளார். பரிசோதனைக்கு அனுப்பப்பட்ட அவரது ரத்த மாதிரியில் எச்3என்2 தொற்று இருப்பது கடந்த மார்ச் 6-ஆம் தேதி உறுதி செய்யப்பட்டுள்ளது.
